كمين شرطة

19 Nov 2012, written by
كمين شرطة
كمين شرطة – ارشيف

بركب يوميا من امام مسرح االبالون للجيزة، عند نهاية النفق، بمعدل كل اسبوع بيبقى فيه كمين شرطة، النهاردة واقف منتظر عربية للجيزة، ضابط الكمين 1
ضابط المكين بيقولى ما تقفش هنا دة مكان وحدة شرطية، قلتلة انا واقف منتظر عربية وبعدين دا شارع، قالى لأ دا مكان كمين وامشى من هنا ! 2

قلت للظباط انا واقف منتظر عربية وبركب من هنا يوميا وبعدين ما تزعقش، وبعدين بشوف بتعاملوا الناس ازاى بعد الثورة، قالى طب تعالى معاى 3

قلت اجى معاك فين، قالى هات بطاقتك قلت مش هدهالك ومش من حقك تاخدها او تشوفها، قالى كبرت فى دماغى انى اخدها منك قلتلة وانا مش هدهالك 4

ناس اتلمت،وقالوا اديلو بطاقتك وعادى، قلتلة هو مش عاوز بطاقتى هو عاوز يمشى اللى فى دماغة وخلاص،قال لافراد شرطة معاه،مين فيكم الفرد بتاعة ضاع

قلتلة الكلام دة كان ايام العادلى، فما تحاولش فى الحاجات دى، قالى هاخدك اعملك محضر فى القسم قلتلة ولا هيهمنى، ومش هيفرق معاى̀̀5

فى ناس حبت تلم الموضوع وقالوا اديلوا بطاقتك، قلتلهم لأ،فواحد صحفى فى حزب الكرامة قال وفيها ايه يعنى ما تسمع كلام الباشا6

قلتلة باشا ده على نفسك، وخليك فى حالك، الضابط قال كبرت فى دماغى وهعمل معاك الصح، قلتلة اللى انت عاوزة اعملة، واحد تانى اسمة ياسر اتدخل7

ياسر كان شخصية محترمة، قال انت معاك حق انه متعجرف معاك فهات بطاقتك اورهالة ونخلص، قلتلة، لأ، الضابط اتنرفز أكثر، قلتلة ولا هيفرق معاى8

وصلنا بعد ساعة، ان الضابط عاوز يعمل محضر “صلح” وانا امضى عليه، اتصلت بمالك عدلى قال امضى علية وانهى الموضوع 9

الضابط بيقولى انت بتعاملنا كدة لية، قلتلة بكرهكم لله فى لله، وعمرى ما هحبكم ، لان تصرفاتكم زى ما هى، التعذيب زى ما هو، وعجرفتكم زى ما هى 10

فى النهاية الموضوع خلص، واللى مش قادر افهمة واستوعبة لحد دلوقتى، ازاى القانون بيعطى الحق لكائن زى دة اسمة ضابط شرطة يوقف الناس 11

الداخلية زى ما هى، لو بتراقب اى كمين من بعيد هتشوف ازاى ضباط الشرطة بيعاملوا الناس ، الداخلية معاملتهم لم تتغير 12

فى النهاية ما انكسرتش قدامة ولا قدر يغلط فى ولا يمد ايدة على،اللى مزعلنى الصحفى الوسخ اللى نفسى اعرف اسمة بتاع الكرامة اللى قال فيها ايه13

انا فعلا ما كانش فى دماغى خالص احط نفسى فى موقف زى ده، بس صادف ان المكان الوحيد اللى بركب منه للجيزة قصاد الكمين، 14

الضابط ده فعلا انا متأكد انه من جواه حاسس انه بيعمل شغلة صح ، لكن فى نفس الوقت بيبرر تجاوزات ضد حقوق الانسان باسم الحفاظ على الأمن 15

ضباط الشرطة متخيليين انهم ممكن يفتحوا صفحة جديدة مع الجميع دون فتح كل ملفات الماضى ومحاسبة المجرمين والقتلة منهم،يظلوا اعدائى لحين القصاص 16

بكره الشرطة وشايفهم فعلا احقر ناس ممكن نقابلهم حتى لو فيهم ناس كويسين،دون التطهير وتنقيتهم من القتلة والمجرمين ومحاسبتهم هيظلوا كلهم أوساخ 17


Continue reading

عزل مدير امن البحيرة مجدى ابوقمر الذى تهكم على الشعب وطالب بضرب اى مواطن بالجزمة وقطع يدة

26 Feb 2011, written by

ترددت انباء منذ قليل عن عزل مدير امن البحيرة مجدى ابوقمر الذين تطاول على الشعب فى تسجيل مصور نشر منذ يومين على شبكة الانترنت وتداولتة وكالات الانباء بقولة انهم كجهاز وكأفراد شرطة اسياد الشعب وان اى مواطن اذا تطاول على الشرطة ستقطع يدية ويضرب بالجزمة ويعتقل على الفور , قرار عزل مجدى ابوقمر جيد بالفعل ولكن هذا التفاف على المطلب الرئيسى للثوار فيما يتعلق بوزارة الداخلية وهو عزل محمود وجدى وزير الداخلية وحل جهاز مباحث امن الدولة القذر المتورط فى افساد الحياة السياسية فى مصر وتعذيب الالاف من المواطنين , يجب تقديم ضباط وقيادات الداخلية المتورطين فى اصدار اوامر بضرب الرصاص الحى على المتظاهرين اثناء الثورة مما اودى بحياة اكثر من 503 شهيد


Continue reading

القبض على المحامى والناشط العمالى والحقوقى هيثم محمدين وقسم السيدة زينب ينكر وجودة

18 Sep 2010, written by

Socialist Lawyer Haitham Mohamadein المحام الاشتراكي هيثم محمدين

هيثم محمدين ..تصوير حسام الحملاوى

تم القبض منذ قليل على محامى مركز النديم لضحايا التعذيب والعنف , الناشط العمالى والحقوقى هيثم محمدين بالاضافة الى الناشط احمد البحراوى من قبل شرطة قسم السيدة زينب , ورغم تأكيد شهود عيان على وجودهم داخل القسم الا ان ادارة القسم تنكر وجودهم , وتتواجد الان مجموعة من المحامين امام القسم للمساعدة

updates:-

تاكد وجود  هيثم محمدين واحمد بحراوي في قسم السيده زنيب وقد شاهد احد اعضاء الحركة الزميل هيثم في قسم السيده زينب وسوف يتم عرضهم علي النيابه بعد قليل

التهمة التى توجة للزميلين هيثم محمدين واحمد بحراوى هى تعليق ملصقات فى الشارع تتعلق بدعوة المواطنين الى المشاركة فى مظاهرة 21 سبتمبر القادم التى تنظمها 16 حركة سياسة وحزبا مصريا امام قصر عابدين بالقاهرة والتين بالاسكندرية فى ذكرى ثورة الزعيم المصرى الرحل احمد عرابى للاحتجاج على مشروع التوريث الذى يحضر لة الان

عاجل :-  الافراج عن هيثم محمدين واحمد بحراوى بعد احتجازهم لمدة ساعتين فى قسم شرطة السيدة زينب ..


Continue reading

سيدة مصرية تطرد من شقتها بشبرا الخيمة بالقوةعلى يد امين شرطة ومجموعة بلطجية

26 Aug 2010, written by

نوال محمد محمود قنديل سيدة مصرية عجوز  اجبرت هى وابنتيها بالقوة والضرب على ترك شقتهم بمنطقة شبرا الخيمة على يد امين شرطة يعمل فى نيابة النزهة يدعى حسن عبدالمنعم حسن الذى استغل سلطتة  فى ارهاب المواطنين وانتهاك حرمتهم وكرامتهم , بل وصل الامر الى التهديد باستخدام الطبنجة كما قالت السيدة نوال بضرب النار عليهم فى عز الضهر !!؟

بداية هذة الواقعة ان ابن السيدة نوال قنديل و يدعى خالد على محمود يوسف كان متزوج بأبنة امين الشرطة السابق ذكرة فى شهر 9 من العام الماضى ونتيجة لاسباب معينة ورفض الزوجة السفر معة الى السعودية واسباب اخرى كما قالت الام تم الطلاق بينهما وسافر خالد بعدها الى السعودية ليعمل هناك فى وظيفة مدرس

استغل امين الشرطة غياب الابن بسفرة الى السعودية فقام هو ومجموعة من البلطجية فى منطقة شبرا الخيمة باقتحام شقة السيدة نوال قنديل وطردها هى وابنتيها من الشقة بالقوة .. تقول الام .. انا اترميت فى الشار انا وولادى وانا عندى جلطة فى دماغى يابنى وتعبانة ورغم كدة زقنى من  على سلم الشقة وعورنى فى ضهرى وعينى

استعانت الام بمحامى ليشرع فى تحرير محضر ضد امين الشرطة املة ان تحميها العدالة وتعود هى وابنتيها الى الشقة مرة اخرى ولكن للاسف جميع المحاضر التى قاموا بتحريرها سواء فى الشرطة او النيابة تم حفظها بشكل مريب

وفى رسالتة التى ارسلها خالد على يوسف ابن نوال قنديل من السعودية قال من اين لامين الشرطة كل هذة الثقة فى تحدى سلطات الدولة لدرجة ان يقول لامة ردا على عدد المحاضر التى حاولت تحريرها ضدة بالقول :-“الداخلية والنيابة في جيبى وأي محضر ضدي أو ضد أولادي حيتحفظ ولو وصل للنيابة بتليفون مني أقدر أخرجهم

حتى لا اطيل فى السرد , ما يهمنى الان , الام موجودة  هى وابنتيها عند ابنتها المتزوجة  بالمقطم وتبكى بدموع طالبة حمايتها  ومساعدتها فى الرجوع الى شقتها

هوافيكم بباقى التفاصيل    “


Continue reading

بعد الحكم على دومة بالسجن 3 أشهر بتهمة ضرب ضابطى شرطة فى مظاهرة 3 مايو ..فيديو لضابط شرطة يتعدى بالضرب على المتظاهرين بالشوم فى نفس المظاهرة

30 Jul 2010, written by

 Ahmed Doma دومة

أحمد دومة

أحمد سعد دومة ,مدون وناشط سياسى مصرى عضو لجنة سجناء الرأى , قضت محكمة جنح استئناف قصر النيل فى 21 من الشهر الجارى بالحكم علية ثلاثة  أشهر مع الشغل لاتهامة بالاعتداء على ضابطى شرطة اثناء مظاهرة 3 مايو التى كانت قد نظمتها القوى السياسية المصرية واعضاء فى مجلس الشعب احتجاجا على تمديد العمل بقانون الطوارىء ورفض التصريحات التى اطلقها نواب الحزب الوطنى (نواب الرصاص ) الذيب طالبوا الشرطة باستخدام الرصاص الحى مع المتظاهرين سلميا ,حينها  تم القبض على احمد وحرر لة محضر  برقم 4222 لسنة 2010 جنح قصر النيل بتهم الاندساس وسط مظاهرة بهدف تعطيل احكام القانون ومقاومة السلطات وتكدير الرأى العام والاعتداء على ضابطى شرطة من ضباط الامن المركزى و13 عسكرى امن مركزى بعدها قضت المحكمة علية بتاريخ 22 مايو بالسجن 6 أشهر وكفالة 300 جنية ليستأنف الحكم ليخفف الى 3 اشهر مع الشغل بتاريخ 21 من يوليو

لا شك ان قضية دومة سياسية فى الاساس وليست جنائية وهى طريقة معهودة لدى النظام المصرى متمثل فى وزارة الداخلية عند تعاملة مع النشطاء والمدونين والمطالبين باصلاحات سياسية ودستورية  كما حدث مع الروائى والمدون السيناوى مسعد ابوفجر الذى اطلق صراحة بعد اعتقال دام 30 شهرا حيث كان اعتقالة سياسي لمطالبتة برفع الظلم الواقع على اهل سيناء والنتيجة ان الداخلية لفقت له تهم جنائية كسواقة سيارة بدون رخصة !! , دومة كان يستعمل حقة الطبيعى فى التظاهر السلمى والتعبير عن رفضة لسياسات الحكومة بتمديدها العمل بقانون الطواىء , والفيديوهان المنشوران هنا تم تصويرهما فى مظاهرة 3 مايو يظهران من هو المجرم والمعتدى الذى استعمل العنف والضرب , الفيديو الاول يظهر ضابط شرطة يستعمل شومة او خشبة ويعتدى بها على المتظاهرين والنشطاء فى المظاهرة ورد فعل المتظاهرين بمن فيهم دومة كان الدفاع عن النفس !! ا؟

الفيديو الثانى  نشرتة صحيفة ديلى نيوز ايجيبت يظهر مجموعة من ضباط وعساكر الامن المركزى فى نفس المظاهرة تتعدى بالضرب باستعمال الخشب والشوم على المتظاهرين والركل بالارجل لدرجة ان الناشط حسن مصطفى اغمى علية نتيجة الضرب من 10 عساكر !؟


Continue reading
http://egytimes.org/wp-content/themes/platform