فيديو يظهر تعذيب الشرطة العسكرية لمواطنين بالعصيان الكهربائية داخل احدى المعسكرات ببورسعيد

26 Feb 2011, written by

فيديو جديد يظهر ويؤكد للكثير ممن شككوا فى التقارير والاخبار التى نشرت من قبل عن وقائع تعذيب واعتقالات تمت للمئات بل الالاف من المواطنين واحتجازهم داخل معسكرات الجيش والسجون الحربية , محتوى الفيديو يظهر قوات الشرطة العسكرية وهى تعذب المحتجزين داخل منطقة عسكرية ببورسعيد باستخدام العصيان الكهربائية مع وابل من الشتائم البذيئة والضرب المستمر , بماذا سيعلق المجلس الاعلى للقوات المسلحة على هذا التقرير هل سيقول انها اعمال غير مقصودة كما قال فى تعليقة على الانتهاكات ووقائع الضرب التى تعرض لها المتظاهرين فى ميدان التحرير قبل يوم امس الجمعة !!؟ قد يدعى البعض ان هؤلاء محتمل ان يكونوا خارجين على القانون ومحتجزين لحين محاكمتهم وان كونهم مجرمين ومخربين يبرر تعذيبهم ؟ والرد لا بالطبع, لان جريمة التعذيب لا تبرر فى حالات الطواىء ولا حتى وقت الحروب , يجب علينا ان نطالب بفتح ملف الاعتقالات العشوائية التى تمت من قبل الشرطة العسكرية منذ نزول الجيش الى الشارع وان يتم فضح الانتهاكات وعمليات التعذيب التى تتم ويقدم المسئولين عن هذة الجرائم للمحاكمة وعدم الاقتصار فقط على الاعتذار !!, لا تنسوا اننا قمنا بهذة الثورة وكانت احدى الدوافع الرئيسية هى  تفشى وانتشار حالات التعذيب والانتهاكات التى كان يمارسها افراد وضباط وزارة الداخلية  , الخارج عن القانون لا يعذب الخارج على القانون هو فى النهاية انسان سيلقى عقابة طبقا للقانون , هذة المشاهد وغيرها تخيفى وتجعلنى اقلق على مدنية الدولة التى خرجنا من اجلها وراح المئات من شبابنا فى سبيلها,,

شاهد هذا الفيديو للدكتورة ماجدة عادلى  بمركز النديم  لتأهيل ضحايا التعذيب والعنف ترد فية على من يبررون جريمة التعذيب فى حالات الطوارىء والحروب

اخبار متعلقة

EgyTimes ايجى تايمز – احداث الهجوم على دير الانبا بيشوى ,,قوات الجيش تطلق الرصاص الحى اثناء الهجوم

EgyTimes ايجى تايمز – قوات الجيش المصرى تعتدى بالضرب على المتظاهرين فى ميدان التحرير واعتقال العشرات

الجيش يفض اعتصام “مجلس الوزراء” بالقوة.. وأنباء عن إصابات واعتقالات | الدستور

جبهة الدفاع عن متظاهرى مصر: إعتداءات على المتظاهرين المطالبين بإقاله الحكومة والإفراج عن المعتقلين

لواء بالجيش المصرى يهدد بقتل المتظاهرين فى ميدان التحرير

فيديو- قوات الجيش تبطش بالمتظاهرين فى ميدان التحرير

كشفٌ Kashf: عاجل-الجيش المصري ايضا عذب وقتل معتقلين منذ ٢٩ يناير وحتى الآن- شهادة #jan25 #egypt

Egypt’s army ‘involved in detentions and torture’ | World news | The Guardian

Egyptian army shows its true colours « Rowan El Shimi

EgyTimes ايجى تايمز – اعتقال الالاف وتعذيبهم بالعصا الكهربائية والكرابيج داخل السجن الحربى

عسكر عسكر عسكر لية احنا فى ليبيا ولا اية

Ma3t: شهادة على واقعة القبض على عمرو عبد الله البحيرى فجر السبت26 فبراير 2011

الجيش خاننا – Mohamed Abdelfattah: An Egyptian Journalist

واحد, اتنين, الجيش ضرب الشعب | MaLek X

YouTube – Egyptian Army attacking protesters at parliament

كنت رايح أبات في التحرير

YouTube -نواره نجم ناشطة تقول الجيش يطارد المتظاهرين بالضرب

BBC Arabic‬ – ‮الشرق الأوسط‬ – ‮الجيش المصري يطرد المحتجين من ميدان التحرير بالقوة‬


Promote This Post

11 Comments

Reply

مصرية

February 26, 2011 11:07 pm

ايه الهبل ده هو ده التعذيب
على فكرة انا ممكن انزلك فيديوهات اجمد بكتير من كده عالشرطة فياريت تخلو الطابق مستور احسن لان عمركو ما هتقدرو تفرقو الجيش عن الشعب
بس للامانة انا الصوت عندى مش شغال فمسمعتش شتايم
بس ده ميعتبرش تعذيب ده زى ما تقول كده شكة دبوس بالنسبة للشرطة
وبعدين احنا عارفين ان الشرطة بشر مهماش ملايكة…ومن حقهم يخطأو

Reply

karim

February 27, 2011 3:15 pm

يلا شيلو

Reply

على عبدالمجيد

February 27, 2011 6:28 pm

خطابى لسعادة المشير: لن يعجزك أن تتحقق من هوية هؤلاء العسكر الذين يعذبون الاحرار وتتخذ تجاههم موقفا رادعا لأن ما يفعلونه هو عار على العسكرية المصرية و عار عليك قبلهم

Reply

sherif

February 28, 2011 8:26 am

دول بلطجيه من منطقه اسمها زرزاره فى بورسعيد الاشكال دي هى اللى كانت بتقوم بالسرقة و البلطجه يستاهلوا اكتر من كده

The Response to sherif's comment

February 28 2011 08:48 am

Mohammed Maree

مفيش حاجة اسمها يستاهلوا , احنا مش فى غابة احنا عملنا الثورة عشان نوجد دولة القانون واللى فيها المزنب يتحاكم وياخد جزائة طبقا للقانون من غير تعذيب وانتهاك

Reply

e/rehab

February 28, 2011 9:23 am

انا من بورسعيد ..عايزة اوضح لكم الرعب المستمر وحالة عدم الأمان اللى احنا فيها بسبب البلطجية بتوع عشوائيات زرزارة واللى فى الغالب دول منهم ..انا شايفة انه حلال فيهم السلخ حتى

Reply

misho

February 28, 2011 5:17 pm

ya gma3a ana mn portsaid….elnas dol kan baltgya wdol fehom nas eghtsbo elbnat hena 3ndna…fda a2l haga tt3ml fehoom

Reply

Name

March 3, 2011 1:12 pm

حلال فيهم السلخ ويستاهلوا ومش عارف ايه
خلاص كلنا بقينا شغالين فى الداخلية واى حد فيكم لو مسك منصب فى وزارة الداخلية صدقونى حيكون اساذ فى تعذيب الناس بحجة يستاهلوا
الثورة قامت مش عشان نبقى منهم. الثورة قامت علشان هم يبقوا منا

Reply

مكوى من الجيش

March 9, 2011 5:50 am

أحب أعرف الجميع أنه ليلة 23 فبراي كان فيه مجموعة معتصمين فى التحرير وتم إعتقالهم على يد الجيش حوالى 30 منهم وكان منهم 3 نساء تم تعذيبهم جميعا بشتى الطرق وصعقهم بالكهرباء ومصادرت كل متعلقاتهم من موبايلات وأموال ولم ترد إليهم( رد فقط 7 من أصل 30 ) وتم الإعتداء على إحدى النساء الثلاثة بمسك ولمس بعض الأماكن فى جسمها وصل الأمر بجميع من إعتقل بقراءته للتشهد إستعدادا للموت – ثم بعد ذلك تم الإفراج عن 25 منهم فقط ولا نعرف مصير البنات الثلاثة وإثنين من الشباب حيث تم الإفراج بعد حوالى 10 ساعات من إعتقالهم على فكرة اللواء اللى أعطى الأمر بالإعتقال والتعذيب وكمان شارك فى الإعتداء على المعتقلين هو نفسه اللى كان بيهدد المعتصمين بالقتل يوم 25 فبراير – والله والله والله العظيم هذا حصل وكان الساعه 8.15 صباحا يعنى بعد الحظر

Reply

h

March 19, 2011 8:35 am

قليل عليهم ده يستاهلوا اد كده 1000 مره
بهدلوا بورسعيد وسلبوا وسرقوا وقتلوا

Reply

محمدين

July 22, 2011 2:27 pm

مش معقول، ليست هذه اخلاقيات الجيش
وسافترض انها صور مفبركه،حتي يخرج الينا البيان الذي يدين ويعاقب من ارتكب هذه الاشياء الى ليست من العسكرية المصرية على الاطلاق

http://egytimes.org/wp-content/themes/platform