فنانين مصر والرياضيين شاركونا فى مظاهرات 25 وهيشاركونا فى ثورة الجمعة 28 يناير

26 Jan 2011, written by

الفنان عمرو واكد فى مظاهرة التحرير بيهتف ,, ارحل ارحل يامبارك – يسقط يسقط حسنى مبارك

مصر النهاردة غير امس , امس كان استبداد وقمع وخوف اما اليوم فهو ثورة على كل هذا ثورة على الظلم والفساد والقمع والتعذيب والاستبداد , بمعنى صريح ثورة على نظام مبارك , الشعب يطالب برحيل مبارك الشعب يطالب بالحرية بالعدالة بالديمقراطية , الشعب يطالب بحقة . جماهير مصر العظيمة التى حلمت بالتغيير تعيش الامل الان , لم يعد هناك خوف , كلنا نعانى . الفنان المحترم عمرو واكد فنان بيحلم بالحرية والتغيير مثلنا كلنا شارك معانا يوم الغضب 25 يناير هتف برحيل مبارك هتف بالتغيير هتف باسقاط النظام , اخوة محمد واكد اتقبض علية فى المظاهرات وافرج عنة , بجد فنان محترم

اللاعب اسلام عوض فى مظاهرة التحرير

اللاعب اسلام عوض لاعب نادى انبى والمنتخب المصرى شارك هو كمان , وبالتأكيد هو وعمرو وكل الفنانين والرياضيين المحترمين هيشاركونا يوم الغضب الاعظم الجمعة 28 يناير بعد صلاة الجمعة فى كل ميادين وشوارع وحوارى وقرى مصر , سنقولها بقوة وصلابة ارحل ارحل يامبارك , يسقط يسقط حسنى مبارك

تونس الثورة حاضرة معنا حيث الشعار العظيم  ” الشعب يطالب باسقاط النظام ”  نفس الهتاف المملوء بالامل سمعناة ومازلنا فى القاهرة والمحلة والاسكندرية والسويس ودمياط وسيناء والمنصورة وبورسعيد وسنظل نسمعة حتى يرحل مبارك


Promote This Post

4 Comments

[...] This post was mentioned on Twitter by Mohammed Maree and Esraa Ali, sonaz2012. sonaz2012 said: RT @mar3e: فنانين مصر والرياضيين شاركونا فى مظاهرات 25 وهيشاركونا فى ثورة الجمعة 28 http://bit.ly/h2bQIc #Egypt #Jan25 #Revolution [...]

Reply

Name

February 2, 2011 2:26 pm

ربنا يهدكم ضيعتوا البلد كلنا بئينا عاطلين وبتقولوا تغيير منتو فعلا غيرتو البلد ووقعتو اقتصادها كفاية ومتنزلوش فى حته تانى الراجل كلها كام شهر وماشى ولو نزلتو تبقوا بتوع المصالح الشخصية أذن قصدى وصل وربنا يأخد اللى بهدلوا الشباب وملوا دماغهم بكلام فاضى

Reply

Name

February 3, 2011 7:42 pm

أعتصموا بحبل الله جميعا ولا تفرقوا _ أرجوا من إخوانى حقن الدماء أصمدوا دون إراقت الدماء لان القاتل والمقتول فى النار ربنا يحفظكوا من الفتنه و يحفظكوا من قتلة الحزب الوطنى وخنزيره والمرتزقه حفظكم الله ونصركم الله وأعزكم الله فالله مولانا ولا مولا لهم والله ناصرنا ولا ناصر لهم أنا فرحان بيكم وأنا معكم بكل وجدانى وحياتى وبدعيلكم فى كل صلاه ومن اليوم هكون على إتصال معكم دايما

Reply

تحية المرشدى

February 10, 2011 8:24 am

كما أعربت ياسمين عبدالعزيز (و هى من أسرة فقيرة جدا) و هى الأن متزوجة من رجل الأعمال المليونير محمد حلاوة نجل المحافظ و الوزير السابق عن حبها للرئيس مبارك كما أكدت انه يجب ضرب المعتصمين بميدان التحرير بالجزمة

http://egytimes.org/wp-content/themes/platform