المحلة هتخرج 25 يناير ,,واهالى المحلة تونس مش احسن مننا

21 Jan 2011, written by

<p></p>

بيان مظاهرات 25 يناير يصل  للالاف من اهالى المحلة ..الصورة من المصرى اليوم

الدعوة وصلت لكل اهالى المحلة اليوم ,اهالى المحلة يوم 25 يناير هينزلوا فى المناطق الشعبية والشوارع والميادين كلهم يقفوا ضد التعذيب والفساد والفقر والبطالة , امبارح كان عندى شك ان الدعوة ممكن تلاقى استحسان من الناس فى المحلة , لكن بعد وقفة اليوم فى ميدان البندر بالمحلة وتجمع  الاهالى واشتراك بعضهم فيها للتضامن مع ثورة الشعب التونسى وبعد توزيع بيان 25 يناير على الالاف من الاهالى وسيارات الاجرة والملاكى بقيت متأكد ان مازال فى امل ان الناس فعلا كلها تشارك ,عمال المحلة هيشاركوا دعوة 25 يناير وصلت لهم وفى محاولات لاسترضائهم حاليا  بس صدقونى هتفشل لان الحكومة مهما عملت مش هتقدر تحل كل المشاكل , انزل يوم 25 وعبر عن غضبك وطلع اللى جواك , اعتقدت النهاردة وانا بكلم مع الناس عن الخروج يوم 25 انى لازم اركز معاهم على مشاكلهم الاساسية   الفقر وارتفاع الاسعار والبطالة والتعذيب فوجئت برد جماعى منهم قالوا لأ تونس مش احسن مننا والنظام دة لازم يقع بقى ومبارك يمشى , كفاية كدة احنا تعبنا

صدقونى فى امل , والدعوة وصلت لكل الناس فى مصر من الاسكندرية لاسوان , النظام مرعوب وحبيب العادلى  بقوات الامن المركزى مش هيقدر يصد ولا يقف قدام ثورة الناس فى الشوارع , 25 يناير هى بداية حقيقية للتغير الحقيقى فى مصر ونهاية  لنظام مبارك

العامية حلوة قوى


Promote This Post

1 Comments

[...] This post was mentioned on Twitter by Mohammed Maree, egypt twitee. egypt twitee said: والدعوة وصلت لكل الناس فى مصر من الاسكندرية لاسوان #jan25 http://fb.me/Rf3ez1TD [...]

http://egytimes.org/wp-content/themes/platform