تعذيب مواطن بسلك كهرباء على ايدى ضابط شرطة بالدقهلية

29 Oct 2010, written by

ياسر ابراهيم محمد عرفات ياسر ابراهيم عرفات ..تظهر علية اثار التعذيب

يبدو ان مسلسل جرائم وتجاوزات ضباط الداخلية لن يتوقف , فالمشاهد التى نراها ونسمع عنها يوميا سواء فى الصحف وعلى صفحات الانترنت من عدد المواطنين الذين ينكل بهم ويعذبون وتنتهك ادميتهم على ايدى ضباط وافراد الشرطة يعطى دلالات ان وزارة الداخلية برئاسة حبيب العادلى مازالت مصممة على اتباع نفس اساليب القمع المعهودة والمعروفة عنها عند تعاملها مع المواطنين , من استعمال العنف والتعذيب بكافة اشكالة وانواعة

ضحية جديدة لضباط وافراد قسم شرطة نبروة التابع لمحافظة الدقهلية يدعى “ ياسر ابراهيم محمد عرفات ” سائق ميكروباص مقيم بقرية كفرحجازى التابعة لمركز المحلة الكبرى يقع ضحية لضابط شرطة فى المباحث بمركز شرطة نبروة يدعى “ مدحت ” ينكل بة ويعذبة باستخدام سلك كهرباء وعصا خشبية لتكون النتيجة كما نرى فى الصورة والفيديوهات الظاهرة امامنا

تبدأ القصة باتفاق تم بين ياسر  وشخص يدعى”  سرور” يعمل فى نادى غزل المحلة متعهد من قبل النادى بالاتفاق مع 4 سيارات ميكروباص مقابل مبلغ معين من المال لتنقل جماهير غزل المحلة الى استاد نبروة الرياضى بالدقهلية لتشجيع غزل المحلة  امام فريق نبروة يوم الاربعائ الماضى 27/10/2011, ياسر كان احد السائقين الذين اتفق معهم سرور , انتهت المباراة بفوز غزل المحلة على نبروة 4-2 ادت فى النهاية الى اشتباك جماهير نبروة مع جماهير غزل المحلة , استدعى جماهير المحلة كما قال ياسر الى الهروب ومحاولة الاستنجاد بالشرطة لتحميهم , فشرعوا بالذهاب الى قسم شرطة مركز نبروة وهو والمجموعة التى كانت معة من الجماهير , ليفاجىء لحظة وقوفهم امام القسم بضابط شرطة يدعى مدحت يأمر مجموعة من المخبرين بالقبض علية ونقلة الى مكتب رئيس المباحث , وبعد دقائق معدودة وجد امامة ضابط الشرطة الذى انهال علية بالضرب وهو وبعض المخبرين بسلك كهرباء وعصا خشبية والركل بالارجل على ظهرة وساقة وهو يصرخ ويستغيث بهم ان يتوقفوا عن الضرب

يقول ياسر ان الضابط مدحت قام بالبصق على وجهة وان يركع على الارض ليبوس رجلية , وبمجرد ان يشرع فى تقبيل قدم الضابط اذا بالضابط يقوم بركلة فى وجهة

اثناء التعذيب والضرب دخل عليهم امين شرطة قال للضابط ” كفاية كدة يامدحت بية ” الواد كدة هيموت وهتبقى مشكلة , نسيبة يروح , فما كان من الضابط ان امر امين الشرطة هذا بالامر ان يقوم هو بتعذيب ياسر , فقد ياسر الوعى من شدة الضرب والتعذيب , انتهى  كلام الضابط مع ياسر بتهديدة انة اذا تحدث بما حدث معة مع اى شخص ستكون نهاية حياتة على ايدية وانة (الضابط ) هيخلية يبوس ايدية فى كل مرة جاى يزور فيها نبروة ..هكذا قال ياسر.. استمر وجود ياسر فى قسم شرطة مركز نبروة من 4 عصرا الى 2 ليلا بعدها افرج عنة بعد مصادرة كل ما معة من اموال والقائة خارج قسم الشرطة بدون حذاء وبصورة سيئة

<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<

تحديث الساعة 6:15 مساءا

تم تقديم بلاغ اليوم 30 /2010/10 برقم 8453 لسنة 2010 جنح نبروة  الى نيابة طلخا المختصة متضمنة تفاصيل اعتداء الضابط  “مدحت مرتضى-نقيب شرطة ” على المواطن ياسر ابراهيم محمد عرفات , وقرر رئيس النيابة محمد منصور ووكيل النائب العام محمد غزال احالة المواطن الى الطب الشرعى لبيان ما بة من اصابات على ان يعرض علية مرة اخرى اليوم الساعة الثامنة ونصف مساءا لاستكمال التحقيقات لحين وصول تقرير الطبيب الشرعى غدا او بعد غدا , وبالفعل ذهبنا اليوم مع الضحية والمحامى عبداللة عبدالرؤف الذى تطوع للدفاع عنة الى مصلحة الطب الشرعى بالمنصورة وادرج التقرير تحت رقم” 1836 -طب شرعى المنصور

تحديث :

استكملت النيابة التحقيق مع ياسر عرفات فى واقعة التعذيب التى تعرض لها , واستمر التحقيق من الساعة التاسعة الى الساعة الواحدة بعد منتصف الليل , وفى انتظار كما قلنا تقرير الطبيب الشرعى عن الاصابات واثار التعذيب التى تعرض لها ياسر , وسيتم فى الساعات القلياة القادمة استدعاء الضابط المتهم مدحت مرتضى لمواجهتة بالاتهامات

حدثت واقعة مثيرة جدا اود ان اذكرها وهى انة بعد انتهاء تحقيقات النيابة مع ياسر فى نيابة طلخا فوجىء بوصول المدعو مدحت الى النيابة بصفة غير رسمية , وبمجرد ان رأة ياسر على مدخل مبنى نيابة طلخا تهجم علية ولكن هرب الضابط خوفا وهلعا واستقل سيارة الشرطة مرة اخرى , وعلمنا من بعض الافراد الذين اتوا معة انة جاء لمحاولة انهاء الموضوع مع الضحية واسرتة بالوصول الى نقطة تصالح ولكن ياسر واسرتة مصممين على السير فى القضية وتقديم هذا الضابط الى المحاكمة  ,


Promote This Post

25 Comments

Reply

حرررررررررررررررام

October 29, 2010 4:31 pm

هو ده حال المصريين

حسبى الله ونعم الوكيل

Reply

احمد

October 29, 2010 4:32 pm

كفايا حكم الحزب الوطنى كفااااااااااااية

Reply

رافت المصرى

October 29, 2010 5:02 pm

يا حكومة يالية بتتناكى حرام على دين امك كدة منكو لله

Reply

Himas

October 29, 2010 6:09 pm

ربنا ينتقم منهم حسبنا الله و نعم الوكيل

[...] التفاصيل هنا في مدونة مصر – المحلة [...]

Reply

الكاستن

October 29, 2010 10:46 pm

السواق ده لو مسجل خطر كانت الحكومه قدمت له الحمايه اللازمه لاكن راجل عاوز يعيش فى سلام والحكومه او بمعنى ادق بعض الاوباش من الضباط معتقدين انهم فوق البشر (افعل كما شئت كما تدين تدان) وحسبى الله ونعم الوكيل على من طغى وتكبر

[...] Ibrahim Arafat, a microbus driver, tortured by the Daqahliya police…. These icons link to social bookmarking sites where readers can share and discover new web [...]

Reply

واحد من الناس

October 30, 2010 2:51 am

حسبى الله ونعم الوكيل
معدش الواحد بيسمع اخبار كويسه عن البلد دى من بعد ما مسكها حسنى مبارك ربنا ينتقم منه
البلد بقت ماشيه بنظام عسكرى بزعامة
اكاديمية مبارك للشرطه

Reply

اسلام

October 30, 2010 3:07 am

كسمك يا حكومة

Reply

Wael

October 30, 2010 3:12 am

كفار قريش ماكانوش بيعملوا كده مع أتباع الدين الجديد !!!!!!!!!!!!!!

Reply

mohamed

October 30, 2010 3:23 am

حسبي الله ونعمة الوكيل

Reply

MoooooHamed

October 30, 2010 3:24 am

بجد حرام اللى بيتعمل في الناس دة الواحد يروح ياخد حقو منين دلوقتي
0184476797

Reply

عبدالوهاب

October 30, 2010 5:22 am

لا حول ولا قوة الا بالله العلى العظيم فيهم ومنهم لله اصحاب السلطه هما اللى خلو ضباط الشرطة تعمل كدا واكتر من كدا كمان ونقدرش نقول غير حسبى الله ونعم الوكيل فيهم

Reply

moaz

October 30, 2010 9:18 am

انت فاكر ان كفار كريش مكنش عندهم دم زى ولاد الدزمخ بتعنا دول دزم ولاد دزمه عوزين الحرق ويجيبو العيال الصغيره تشخ عليهم علشان يتربو

Reply

saad

October 30, 2010 10:01 am

يارب نفوق بقي من اللي بيحصل احنا عاوزين ايه يحصل علشان نغير هوده مش كفايه مصر في خطر والله العظيم احنا في خطر وبعدين هما مش اللي بيعملو فينا كده احنا اللي بنعمل في انفسنا علشان احنا راضين واللي ساكد عن حقه شياطن اخرس ويارب يبقى في واحد زي جمال ولا سعد زغلول ولا احمد عرابي ولا مصطفى كامل ولا النحاس يكون عند المقدره ان يحرك شعب نايم في محطة قطار عارف ليه انا بقول محطة قطار علشان هما مش نايمن لا خلاص مسرق في صوت القطر وصوت الناس اللي مسفر ورغم من كد هما برده نايمين بس كفايه

Reply

bothaina

October 31, 2010 7:55 pm

إزاي الواحد يقدر يساعد؟

The Response to bothaina's comment

November 01 2010 10:39 am

Mohammed Maree

استاذة بثينة ,, حضرتك ممكن تساعدى بانك تنشرى عن القضية وتعرفى الناس بيها وتحشدى تضامن مع الضحية

Reply

اشرف

January 3, 2011 5:19 am

الشعب المصرى كلة من اولة الى اخرة يعرفون ان الظابط فى مصر يحلف اليمين لبلدة وان يكون لة ولاء اين يامن حلفت اليمين لوطنك حما ك اللة يا مصر

Reply

يسرى

January 3, 2011 6:02 am

ايصال امانة تم الحكم فية على خفير داخل مركز ميت غمر اسمة صبرى تم التلاعب بتغيير اسمة باسم الشهرة طلعت المباحث التى تعمل فى خدمة الوطن فهل الظابط الموجود حلف يمين لخدمة وطنة حماكى اللة دائما يا اغلى من نور عينى يامصر ويخلييك لينا يا سيادة الرئيس ومن لة ولاء وحب لبلدنا الحبيبة بلد الامن والامان

Reply

محمد

January 3, 2011 6:17 am

من المسئول عن مركز الظلم مركز المخدرات مركز لبيع الاسلحة مركز الادمان كلهم يشربون المخدرات والرشاوى ورهب الناس حيث الزنى حيث الفساد فى الارض والسرقة اغيثونا من مركز ميت غمر دقهلية

Reply

اشرف

January 3, 2011 6:53 am

ايصال امانة تم الحكم فية على خفير داخل مركز ميت غمر تم التلاعب فى اسمة صبرى وكتبو اسم الشهرة طلعت ولم يعثروا على اسم المزكور مقابل 2000 جنية وسهرة على حسابه حشيش وبانجو فهل من ولاء للوطن واين حلف اليمين ولا دول ما بيحلفوش يميين المباحث الجنائية مركز ميت غمر دقهلية التجارة فى الناس حشيش وبانجو ورشاوى على حساب الناس تحيا مصر فمن حلف اليمين يشوف تحليل المخدرات والظلم وتجارة الاسلحة فى مركز ميت غمر انقزوا اولادنا اغيثونا اغيثونا وشكرا

Reply

Hassan

January 4, 2011 6:59 am

عندى الحل والله لو ان كل واحد اصر على انه ياخد حقه بيده نظام بلطجه يعنى زى ما بينضرب فى القسم يضرب خارج القسم زى ما بيتعذب فى القسم ياخد حقه بره ولو اضطر الى ان ياخد حقه من اهل المتدى بهذة الطريق لن تجد من تسول له نفسه على الاعتداء على الاخرين

Reply

نادر

January 4, 2011 7:52 am

حماكى الله يا مصر ونجاك يارئيس الجمهورية من الاشرار الداخلى والخارجى وربنا يعينك علينا كلنا علشان كل يوم بنكتر وهمومنا بتكتر وحبنا لك بيزيد اكتر واكتر شيل يا جمال عن ابوك ربنا وصاك ساعدهه فى الهموم

Reply

مواطن مصرى

January 24, 2011 7:08 pm

اقول منكم للة ياحكومة وكل بداية ولها نهاية اشوف فيهم يوم من اول العسكرى الى الوزير الداخلية

Reply

dalia

January 26, 2011 6:49 pm

walahe 7al yeghom…

http://egytimes.org/wp-content/themes/platform