أخوان اون لاين ينشر صور خاصة بى دون اذن منى

13 Jul 2009, written by
اعتصام لاصحاب المعاشات من العمال فى غزل المحلة احتجاجا على الاحكام الصادرة بترك منازلهم ودفع مبالغ طائلة by you.

الصورة التى نشرت على موقع اخوان اون لاين والتى تم سرقتها من قبل سهام شوادة واخوان اونلاين من على موقع الفلكر الخاص بى

الصحفية سهام شوادة التى تكتب فى موقع اخوان اون لاين فى تقرير لها عن اعتصام اصحابات المعاشات بالمحلة اليوم والذى اشك انها كانت تغطى هذا الاعتصام  قامت بسرقة صورة من صور خاصة باعتصام سابق لاصحاب المعاشات من على موقع

الفليكر الخاص بى كنت قد غطيتة من قبل…وارفقت الصورة بتقرير عن اعتصام اليوم نشر فى موقع اخوان اونلاين

دون اخذ اذن منى ,,, و حتى لو كانت طلبت منى ذلك اشك اننى كنت سأوافق .. لذا اتمنى من مسئولى موقع اخوان اون لاين ان يعيدو نشر هذا التقرير بدون ارفاق الصورة بة على العلم اننى لا امانع بتاتا فى ان يستعينو بأى صور من عندى لنشرها طالما انة قد تم أستأذانى وطالما ان من سيستعين بها شخص اخر غير الصحفية سهام شوادة

قبل ان انهى احب ان اقول ان الصحفى محمد ابو الدهب مراسل الدستور فى المحلة الكبرى كان موجود معى اثناء تغطية اعتصام اصحاب المعاشات من عمال غزل المحلة واستعان ايضا بصورة من الصور التى اخذتها دون اذن منى ولكنة فى النهاية اعتذر عن ذلك وقبلت عذرة طالما انها نشرت وتم كتابة انها من تصويرى .. اما فى هذة الحالة الخاصة بالصحفية سهام شوادة فلا اعتقد اننى سأتنازل عن حقى .. حتى لو كتب موقع اخوان اون لاين انها من تصويرى

هنا نص الخبر المنشور على اخوان اونلاين والذى يحتوى على صورة سرقت من عندى

هنا مجموعة الصور التى اخذتها من قبل لاعتصام سابق لاصحاب المعاشات من عمال غزل المحلة والتى تحتوى على الصورة الاصلية التى تم سرقتها من قبل موقع اخوان اونلاين



Promote This Post

11 Comments

Reply

محمد ابوالدهب

July 14, 2009 3:40 am

بسم الله الرحمن الرحيم
السلام عليكم اخ محمد انا محمد ابوالدهب اولاص انا اول مرة ادخل المدونة فعلاً ودخلت عشان ارد على الكلام اللى انت نشره ومكنتش عايز ارد والله لكن مضطر وامرى لله عشان اوضح حاجات:-

اعتقد يا محمد انك بتشتغل اعمل اجتماعى لخدمة الناس واى مادة او صورة بتنشرها على المدونة او اى مكان بيبقى تعبير عن دعمك للفئة دى ، كلامك اللى نشرته دة بيعكس عكس كدة حتى لو بدون قصد ، ووممكن يوحى لبعض الناس انك بتستغل الظروف دى علشان تبيع الصور بتاعك لمدونات معينة او ناس من برة مصر ، فيه صور كتير صورتها كنت لما ببحث على جوجل الاقيها منشورة فى حتت تانية مكنتش بزعل او اعمل ذى ما انت عملت.

الحاجة التانية الصورة دى لاعتصام المعاشات اللى كان فى شهر ماسر مش بتاع امبارح لانك مكنتش موجود امبارح للتغطية ، والصورة اللى اخدتها منك جات لانى اولا الناحية المادية مش تسمع انى اشترى كاميرا كويسة رغم انى محتاجها ، ولانى اختها من مدونة عرباوى ومكنش مكتوب عليها اسم واستنتجت انها بتاعت ووقتها اتصلت بحمدى حسين وقولت له وبرغم كدة نشرتها وعليها اسمك تصوير محمد مرعى ودى صورة من التقرير اللى تم نشره
http://www.id3m.com/D3M/View.php?image=p14-009-12032009.jpg&Number=1&ID=254019

الحاجة التالتة انى معايا صور كتير لاعتصام المعاشات امبارح والاستاذة سهام شوادة “وارجو ان لا ننسى انها استاذة” عندها صور اخرى وقامت بارسال صورة منهم مع الخبر الا ان ادارة الموقع قامت على سبيل الخطأ بنشر صورة ارشيفية من على الانترنت وصادف انها صورتك المنشورة على مدونة عرباوى يعنى مش غلط الاستاذة سهام ، ودة غلط مش محتاج كل الثورة دى

كمان اعتقد ان موقفك دة بيرجع لوجود مشاكل بين الاستاذة سهام وبين حمدى حسين الذى استفاد كثيراً منها خاصة الملابس التى كانت تقوم بارسالها لمركزافاق اشتراكية واقامة معرض والتى كان يصورها حسين انها من انشطة الحزب الشيوعى المصرى بمجهوده.

الحاجة الاخيرة يا محمد الناس بتكبر ، واعذرنى اللى انت كتبته دة ممكن يوحى لناس كتير ان انت صغير وان احنا صغيرين ، واحنا مش كدة يا محمد ، خليك شغلك من الناس وللناس وسيبك من الامور دى ومتعملش ذى كريم البحيرى اللى فقد المصدقية مع نفسه ومع الناس ، وكان بيتصرف بنفس الاسلوب

يا محمد الموضوع مش مستاهل

سلام يا محمد

The Response to محمد ابوالدهب's comment

July 14 2009 04:58 am

Mohammed Maree

اولا يامحمد احب اقولك حاجة وهى ان انا عمرى ما كان فى دماغى خالص ولا عمرى فكرت ان ابيع الصور ان عندى وبعدين مش عيب لما اى شخص اراد ان هو يستفيد من هذة الصور ان يستأذن لان الحاجة دى نتاج وشغل ناس بالتأكيد تعبوا فيها لصالح قضية ما ومش معنى كدة ان فى صالح القضية ان اوهب شغلى واى حاجة بعملها لناس اشك ان هم عندهم نفس الهدف قاعدلى على البورصة وبالتليفون بياخدوا الخبر ومن على النت بيسرقوا الصور
انا فعلا ما كنتش موجود امبارح فى الاعتصام ...وبعدين يامحمد الصورة ان انت ختها ونشرتها حتى لو كتبت عليها اسمى انت ختها بدون اذنى بس فى النهاية قولت عادى مفيش مشكلة لان فى الاول والاخر زى ما قلتلك قبل كدة يهمنا ان ننسق مع بعض فى اى شغل طالما ان احنا هدفنا نساعد الناس .. بس فى الحالة دى لا اخوان اونلاين كتب اسمى ولا اتصل يستأذن ولا اى حاجة خالص

وبعدين كونك تقول ان خلافى مع سهام نتيجة خلافها مع الاستاذ حمدى حسين دة ما ينفعشى وعيب اما اتقول كدة يامحمد انا مش صغير علشان حد يجرجرنى وراة زى ناس معينة اظن انت عارف هم مين..(ان الشوق والحب مقطعهم ). وبعدين سهام شوادة دى مش مريم العذراء علشان نصدقها فى كل حاجة .. انت ممكن تقول عليها استاذة اوكى ماشى براحتك بس متفرضشى على اقول كدة لانها من الاخر كدة وبدون زعل لسياتك هى بضان ........................... وبعدين من قالك ان دة ممكن يوحى لناس كتير حسب كلامك ان احنا صغيرين هو علشان الواحد بيحافظ على شغلة وبيرفض ان اى شخص يستغل شغل عملة بدون ما يعلم نبقى كدة صغيرين ....
كريم البحيرى دة صديق وصاحب وكونك تقول علية كدة انت وسهام ديت حاجة تخصكم وكريم قادر على الرد وافتكر لو كريم كان بيعمل كدة فعلا زى ما بعمل دلوقتى دة شىء ما يغلطوش طالما ان هو بيحافظ على حقة وشغل هو عملة
سلام يامحمد
والموضوع يستاهل ومش هسيب حقى وبكرة تشوف ... ومن الاخر كدة يابو الدهب افتكر ان انت كان المفروض تكلم بس فى الجزء ان يخصك بس

Reply

محمد ابوالدهب

July 14, 2009 7:15 am

شكرا يا محمد على الرد

بس معتقدش ان اخلاقنا كدة ،، وعيب يا محمد انك تهين انسانة مهما كانت وتصفها بالالفاظ دى … معتقدش ان حد يرضى يقول على اخت ليك كدة

بالنسبة لاستاذة سهام الكل عارف انها اكتر صحفية بتشتغل وبتتعب وبتخدم كل الناس وبتخدم صح ومتمكنة فى شغلها والكل يشيد بكدة غير انها حد تفوق فى دراسته فى كلية اعلام ومكتفاش بكدة وجمعت الدراسة الاكاديمية والعملية.

الحاجة التانية انت بتقول دة شىء ميخصنيش اولاص انا وسهام واحد جزء لا يتجزأ واللى يصبنى يصبها خير او شر ،، وكمان انت جبت اسمى فى الموضوع

ووضحت لك ان الغلط مش غلط سهام لان معاهم صور لاعتصام المعاشات امبارح لكن القسم الفنى فى اخوان اون لاين جاب صورة من على النت وللاسف طلعت صورتك ومش اول والا اخر صورة يا محمد يعنى مش هنعمل الكلام دة كله على صورة

بالنسبة لكريم البحيرى ربنا يشهد انى اكتر واحد وقفت جنبه لكن هو فعلا معندوش اصل لانه مش عارف كان دايما واخد منى موقف عدائى ومش منى بس ،، انا اعتبرت دة امراض نفسية لان ناس كتير قالوا لى كدة ،، وكريم محدش هيعرفه اكتر منى ولو فعلا انا وحش او بتكلم عن كريم كنت ممكن اطلع بلاوى انا عارفها وتبقى فضيحة ومعتقدش انه يقدر يرد علىّ لان الحمد لله الكل عارف انى صفحتى نضيفة ومفيش حاجة علىّ وبشتغل ومليش دعوة باللى حوليه وبتقبل اى نقد مؤدب الحمد لله لانى بعامل ربنا .

انا مش عايز اخلى الموضوع جدل يا محمد وياريت نقفله بقى لانه فعلا مش بستاهل وبلاش نبين الصورة ادام الناس عشان ميخدوش فكرة معينة

Reply

ممدوح على

July 14, 2009 12:40 pm

اظن ان دكتور محمد مرعى له كل الحق فيما كتبه على عكس التعليق الاول من الاستاذ محمد ابو الدهب الذى قام بترديد نفس الاوهام التى امتلأت بها صناديق القمامة على الانترنت
اذا كان هدفه هو العمل العام و خدمة الجماهير فلم يتقاضى راتبا مقابل عمله الصحفى اذا ؟
من حق محمد مرعى او غيره ان يقوم ببيع الصور لأى جهة يراها و يكون التقييم بعدها على اساس ماهية هذه الجهة و ليس المبدأ فى حد ذاته و الا فمن اين لطالب او عامل او حتى شاب فى مقتبل حياته ان يتمكن من تغطية نفقات تنقلاته و المعدات التقنية التى يحتاج اليها و الاتصالات و خلافه ؟
و موضوع الزج بأسماء شرفاء تقربا الى اله العصر السعيد الجديد هو يعيب الاستاذ محمد ابو الدهب نفسه لأنه قام بترديد نفس الكلام المرسل و الساذج لدرجة العباطة
و انا واثق ان من تم ذكر اسمائهم فى رد محمد ابو الدهب سواءا كان الاستاذ حمدى حسين او الاستاذ كريم البحيرى لن ينحدروا الى هذا المنحدر من المهاترات الصبيانية التى تروجها الاستاذة خضرة الشريفة و بصراحة لا اتمنى ان ارى ردا من كريم البحيرى على هذا الكلام ولا من حمدى حسين فهم اكبر من هذا و انظف بكثير من ان تلوثهم بعض الاقاويل التى تقف ورائها شخصية معروف عنها اعتيادها هذه الامور

و اطالب الدكتور محمد مرعى ان يستمر فى دفاعه عن حقه
فمن حقك ان ترفض ان يتم استغلال جهدك للدعاية الى جهة ما او لدفع مرتبات صحفيين يعملون لدى هذه الجهة من باب ليس حبا فى على و لكن نكاية فى عمر الا بموافقتك او يتم توضيح ذلك بشكل اكثر فاعلية بوضع علامة مائية على الصورة
و يمكنك استخدام الفوتوشوب او اى من المواقع الاخرى
http://picmarkr.com/

Reply

wesam

July 14, 2009 6:29 pm

غلط يا ابو الدهب انك رديت على الاشكال دى دع الكلاب تنبح والقافلة تسير

Reply

wesam

July 14, 2009 6:34 pm

الاخ صاحب المدونة ياريت يشتكى ادارة الموقع انها استعانت بصورتة وكون اسم الزميلة ذكر على الموضوع فدة مش معناة ابدا اها سرقتها لانها معروف عنها انها ملهاش فى المدونات لانها مش بتنضال من على النت ولو محترم يسيب التعليق على المدونة ومش يخاف واستاذة سهام اكبر من انها تقوم بسرقة صورة لانها تقدر تشترى صاحب المدونة نفسة وعندها مقومات نجاحها علمها وجمالها ومالها وادبها وعائلتها وبجد انت قذر جدا يا مرعى

Reply

كريم البحيرى

July 21, 2009 9:26 am

اعتقد انى هاخد رأى الاستاذ ممدوح وفعلا انا لن انساق وراء مهترات محمد ابو الدهب فالكل يعلم من هو ابو الدهب ولكن سأقول له نفس الذى قلتة له من قبل على مدونتى
هات يابنى البلاوى اللى عندك عليا وانا انشرهالك على المدونة بدل مانت يعينى مش بتعرف تنشر فى الدستور
وبعدين انت سرقت مرتيين صور من عندى وانا عدتها لانك اتفه من انى اتكلم معاك وكلمت رئيسك وبالدليل انه فى اليوم التانى نشر الصور وعليها اسمى وكمان الصور اللى سرقتوها فى جريدة دار الخدمات انا لسة عندى الاعداد ولا تحب ااقولك على ال350 جنية اللى نصبت على السواقيين فيهم تحت بند انك بتعملهم جريدة وهتنشرلهم قضيتهم ولو تحب اجبلك دليل انا معايا تسجيل بدا من احد السواقين يابنى والله يابو الدهب ان انت اتفه من انى ارد عليك لكن انا برد بس لانى تعبت من كتر ما قولتلك هات البلاوى اللى عليا وانا انشورهالك اما ان موضوع انك جمايلك مغرقانى ادينى جميل واحد فيهم علشان بس اعرفة اصلى انا زى القطط باكل وانكر فياريت تقولى على جمايلك اللى مغرقانى وبعدين مش هعيب عليك لانك تافهة وكلامك لا يمثل لى سوا حديث ذبابة
اما الاستاذ حمدى حسين فهو على الاقل من علمك وساعدك وساعد غيرك الكثيرين ولن ارد عنه لانه اكبر من ان يرد على تافهة مثلك

Reply

محمد ابوالدهب

July 28, 2009 5:09 am

بسم الله الرحمن الرحيم

الاول انا حد صحانى م النوم وقالى فيه حد كاتب كلام لانى والله ما بدخل المدون بتاعت الاخ محمد مش تقليل منها لا سمح الله لكن لانى فعلا مش بتابع مدونات ، طبعا كريم البحيرى اللى كاتب الكلام دة لكن مكتوب ممدوح على عشان فاكر انه سب وقذف وكدة ، فيه مثل بيقول ان قلت متخفش ، وان خفت متقولش ،،،

كل اللى اتقال فى حقى اعتقد ان محدش هيصدقه لان الناس كلها عارفة انا مين ، وعارفة انا ابن مين الحمد لله صفحتنا نضيفة اوى ، وحتى لو حتى صدق ربنا طبعنا مطلع وانا بعامل ربنا

بالنسبة لكريم والله انا ما قبلت حد فى الوسط السياسى الا لما قالى انا مش بطيقه ، ايام ما كان محبوس كنت فى سيبر ومعايا اسماء المعتقلين بدخلهم اسكنر واحد قالى هى دى اسماء المتهمين وقالى ان اخوه فيهم لما شاف اسم كريم قالى هو ابن الكذا دة فيهم قولت له انت تعرفه قالى انا شغال فى الشركة.

ناحية سرقتى لصورك انا عمرى ما سرقت مجهود حد ، ممكن سيادتك تروح تسأل فى الجرنال مين اللى نزل صورتك هما خدوها من مدونتك انا مالى ، حتى يومها الاستاذ ابراهيم منصور “رئيسى واللى واستاذى ” اتصل بيه بليل قالى الواد كريم دة عيل جدا كل شوية فلقنى على الصورة هو عايز مقابل والا اية؟! ، فقط كريم كان بيحاول يتقرب من الاستاذ منصور عشان كان بيحاول يضرب فىّ وعايز يشتغل فى الدستور وللاسف معرفش لان الناس كلها عارفة انه بيفبرك اخبار وبيبالغ ولا حتى بيعرف يكتب ، ومصطفى بسيونى “مسؤل ملف العمال فى الدستور ” شاهد واكبر دليل ايام اضراب غل المحلة لما كريم ادعى ان منصور اتصل بيه عشان يغطى مع انا ومصطفى كنا بنغطى ولما بسيونى اتصل بمنصور قاله انا مقلتلوش كدة دة كريم دة كل شوية يتصل بىّ وعملى ازعاج ويقولى عايز اغطى مع مصطفى وابوالدهب .. طبعا انا مقدر دة لان دى امراض نفسية وحقد بعيد عن الكل.

نروح نسأل المحامى فرج عزيزة وعلى لسانه ودة محامى كريم فى القضيةقال انكريم اعترف على كل اللى كان معاه حتى على المحامى بتاعه ، واللى يضحك وكيل نيابة قال لاستاذ فرج روح خد موكلك وفهمه يقول اية فى التحقيقات لان مورط ناس معاه ما بال دة ادام وكيل نيابة امال فى امن الدولة قال اية؟

نسأل الشيخ كمال الفيومى اللى كان معتقل مع كريم قال ان كريم بعد ما تم الافراج عنه قال لاشرف موسى بتاع امن الدولة انا هطلع اعيش مع ابويا وامى ومليش دعوة بالعمال

سؤال لية كريم وقع لعائشة عبد الهادى انه ميشركش فى اى احتجاجات عمالية ويمشى جب الحيط بعد ما تم نقله للقاهرة ، ولية تم نقله للقاهرة دة نقل والا مكافأة ؟!! ، ودة كلام الناس اللى اعتصمت فى اللجنة النقابية لما مكنش بيروح لهم وقالهم اصل انا ماضى انى مشركش.

القيادى العمالى ال اللى كل شوية يقولك اتفصل ويقولك فصل تعسفى ،، نفسى حد من اللى بيصدق الكلام يششوف البطاقة الصحية بتاعت كريم عملة ازاى ، كان يوميا روح ياخد اجازة مدعى انه عامل عملية عشان يطلع القاهرة يعنى حد بتاع شهرة ولا هو همه العمال والا اى حاجة.

نيجى للاخطر كلام قاله نصر عدس “ودة واحد معروف فى المحلة” فى قاعدة كان فيها كريم وكان بيتكلم عن العمال قاله اذا كان انت يا كريم روحت عملت اعلان لحمادة القليوبى ” امين الحزب الوطنى بالمحلة” وصاحب مصنع اكبر مصانع القطاع الخاص بالمحلة وبيحاول يشاررك فى خصخصة شركة غزل المحلة ويتعامل مع العدو الصهيونى فى اتفاقية الكويز ، عمله اعلان مدفوع الاجر وهو اللى راح تسوله منه ، رد كريم قال دى حاجة ودى حاجة!!

كلام كان على لسان استاذ كريم نفسه حمدى حسين فى الاول خالص قال انه عمله اختبارات وعرف ان كريم امنى ؟!!!

كلام قاله الاستاذ محمد عبد العظيم عضو افاق اشتراكية يوم ندوة الهامى المرغنى فى المحلة قال لى وهو مروح معايا “كريم معرفش يجيب عامل واحد فى الندوة ،، وساب الراجل ودخل يلعب على النت دى قلة ادب ”

كلام كان قاله عصام شعبان فى افاق اشتراكية ان كريم بيجى يقعد على الجهاز اكنه سيبر وقاله ناس فى المحلة

محمد فتحى واحمد بلال من اعضاء جزب التجمع ، والاستاذ محمد الكحلاوى امين الحزب وقتها فى الغربية اكدوا انهم كشفوا كريم بجهاز بيسجل ولما مسكوه طلع اتنين امناء شرطة من تحت وقالوا ممكن تليفون مع ان فيه سنترال جنب الحزب ، والواقعة مشهورة وممكن الناس تسأل فيها وبعدها طردوا كريم من الحزب وبعدها طلب منى جمال ابو العلا ان كريم ميخلش دار الخدمات تانى وكان لما يجى الدار وفيه اجتماع لقيادات العمال نقعده فى حتة بعيدة عنهم ، وكان دايما يحاول يعرف اية اللى بيحصل.

بيقول انى اخدت من السوقين 350 جنية اقوله مش محمد ابوالدهب لانى لو انا كدة كان زمانى حتة بان علىّ والا جبت كاميرا اصور بيها ، والصراحة انا مش فاهم سواقين مين .. بس نحاول نفسر الكلام الاول لو انت معاك الدليل انشر وهات السواقين دة لو كنت اساسا تعرف سواق واحد ،، لو افترضنا سواقين السرفيس احمد نوح “عضو مجلس محلى عن التجمع ومشرف المواقف ” يشهد ع الكلام دة قبل ما اعرفه ، اول واحد كتب عن ابراهيم قشطة دة نقيب السواقين واللى ميعرفوش ممكن يسأل عنه فى المحلة دة حد طالع من قضية قتل واخوه برضه ومن كبار البلطجية فى المحلة وحد بيرشى جامد ، اتعرض علىّ فلوس وممكن تسأل الصحفيين فى المحلة بالالاف واعلانات مش 350 بقى ، واتهددت بالقتل واحمد نوح يشهد ، رغم كدة كنت بكتب وبفضح ، لحد ما رفع علىّ قضية والحمد لله ربنا طلعنى منها وحضر فيها الاستاذ صلاح شبكة واحمد حجازى وفتحى ابو العز واشرف مروان “دار الخدمات”.

انما بقى لو افترضنا ان دول سواقين المرفق اظن معاك الاستاذ وفيق دربالة فى افاق اشتراكية شغال فى المرفق ممكن يتسأل فى ميدان عام عنى وواثق انه مش هيقول كلمة وحش بالعكس دة هيكلم عليك انت رغم انكم فى تنظيم واحد ، انا لما نشرت عن سواقين المرفق رئيس اللجنة النقابية بتاعهم اتصل بىّ وبعت لى واحد ومعبرتوش فى الاخر انت اتصلت بسهام شوادة قولت لها انتى وابوالدهب بتعمل شغل لوحدكم ومحدش بيقولى لما كنت بتشتغل فى اخوان اون لاين ، قولت لها يا سهام مفيش مشكلة يجى معانا ، وجبتك معانا وقولت لك رئيس النقابة دة عايز يرفع قضية علىّ انا وسهام فصور له فيديو عشان يبقى معنا دليل وقاعدت تصور وتعمل ، قبلتك يوم ماتش مصر والكاميرون عل الشون قولت لك الحاجة معاك قولت لى هديها لك بكرة فى هشام مبارك اجتماع اللجنة التنسيقية ،تانى يوم سهام قالت لك فين الحاجة قولت لها دى الكاميرا اتفرمتت ومعنى انعا اتفرمتت ان كل اللى عليها اتشال ، سهام شافت الكاميرا لقيت عليها صور تانية كتير قولت لها اصل الحاجة بتاعتكوا اتمسحت غصب عنى كلام طبعا اهبل وغير منطقى ،، بعدها بيوم واحد لقيت كريم منزل صور لرئيس النقابة من بيته معنى كدة ان هو راح له ، وكاتب ان انا وسهام نشرنا اخبار كاذبة وان الحقيقة ان رئيس النقابة قال كذا … الخ ، ادى جزاء اللى يمد ايده لكريم ،، طبعا لو اى حد قرأ هيفسر انه راح باع الصور لرئيس النقابة فعلا القضية العمالية بتجرى فى دمه هههههههههه.

لكن لو معاك دليل ان اخدت شلن من اى مخلوق انشره وانا والله العظيم حسيب الصحافة ، كنت اخدت من المفوض العام للشركة اللى رافع علىّ 3 قضايا واللى مسكهم هشام مبارك ومعلومات حقوق الانسان روح اسأل عليهم واعمل صفقة مع المفوض .

اسأل نفسك مين اللى راح ادى منشورات اضراب المحلة للامن القومى
وعشان بقى نخبط اكتر ..
اسأل استاذك حمدى حسين فين فلوس الاعاشة اللى جات له يوم 6 ابريل من جهات مختلفة وراحت فى انهى جيب ، وقاله هو لية نصب على فتحى المصرى “العامل فى غزل المحلة الله يرحمه ” وقصة الناس كلها عرفاها فى تمن اورج لابنه من تعاون غزل المحلة واوراق القضية معانا ، والعامل محمد ابو العلا اللى باع دهب مراته لما حسين نصب عليه والعامل على قيد الحياة ، ولية نصب على سامى فرنسيس منسق حركة كفاية بالغربية وفرنسيس على قيد الحياة ، ولية كل شوية يقول نعمل لجنة اعاشة ، ونلم تبرعات لفلسطين ، الحاجات دى بتروح فين ، ولية بعد ما قال على محمد العطار انه امن دولة اخده فى افاق اشتراكية عشان محدش من العمال بيثق فيه هما عنده انفار ليس اكتر ، ولية كان بيستغل اسم سهام شوادة يقول انها تبع الشيوعى المصرى وافاق اشتراكية ، وازاى هو قيادى عمالى ويطلع معاش مبكر فى الوقت اللى كان فيه المعاش المبكر جريمة فى حق الحركة العمالية.

طيب انت لية نصبت على احمد جمال الدين – رئيس مجلس ادارة جمعية رعاية العاملين بالقطاع الخاص – فى 200 جنية مقابل انك تعمل له مدونة وفى الاخر فرج عزيزة المحامى دفعهم من جيبه .

ولية رحت قولت لفرج عزيزة انت لية رحت اديت موضوع السهيلى لابوالدهب وانا لاء واوعى تدى له مستندات عشان لو اترفع عليه قضية ، وقولت للعمال انى قبضت من صاحب المصنع وساعتها العمال كانوا هيضربوك فى المكتب ومصطفى صبحى المحامى كان هيضربك وقال ان ابوالدهب اشرف منك ومن عشرة ذيك وانطردت من المكتب وبعدها اخدت العمال لافاق اشتراكية عشان تعمل عليهم شغل انت حمدى حسين وانت فاهم الشغل بيتعمل ازاى.

حاجات كتير اوى اوى بس والله انا ما فاضى لك ، وانت عارف انا ممكن اعمل فيك اية ، ذى ما عملنا زمان مع واحد عميل امن دولة كان زيك كدة احد يتكلم عن ابويا اسأل حمدى حسين

انا عايز تتكلم وتألف لان كلامك بيزدنى قوة ونجاح ، كفايا صورتك عند الناس ، وكفاية حب الناس لىّ ودى نعمة من عند ربنا .. وياريت تسيبوا بقى العمال فى حالها وبطلوا تجارة فى قضاياهم لانكم مفضوحين خلقة ..

اتكلم بقى يا باشا برحتك وسلامى لحمدى حسين

Reply

ممدوح على

August 1, 2009 12:28 pm

ادى الكلام يابو الدهب
عمال تستشهد باسامى ناس كلهم معروفين فى كل مكان انهم امن ؟
انت مش عارف سامى فرنسيس شغال ايه ولا ايه يا عم انت ؟
ولا انت رحتله فى عملية من العمليات اللى بيعملها تحت اشراف الدكتور التانى اللى عيادته فى البهلوان ؟
اه صحيح طالما الراجل ضد اى حد مش عاجبك يبقى شريف و الباقيين كلهم امنيين اوساخ
و مافيش مشكلة عمليات الترقيع اللى بيعملها

و احمد بلال و محمد فتحى اللى عاملين نشرة مسمينها ولاد القحبة و نشروا اعلانات ضربوا فلوسها فى جيوبهم
ولا انت كمان متعرفش محمد فتحى هدفه الوحيد فى حياته ايه ؟

يابنى فوق بقى و اطلع من برميل الزبالة اللى انت فيه ده

Reply

كريم

January 30, 2013 4:02 pm

نبتدى واحدة انا عارف انه متأخر جدا ارد لكن والله مكنت اعرف انه رد ثانيا فى ناس كتير كانت طلبت منى مردش على الكلام الاهبل دا بس خلينا نرد بقا للناس تفتكر انى جريت وعيطت واختفيت لان الكلام حقيقى ولا حاجة
بخصوص ان مفيش حد بيطقنى مش عارف يابو الدهب انت ايه اللى مزعلك انا مش فارق معايا حد غير اصحابى فمش يفرق معايا حد يطقنى ولا لا بس دا ان دل يدل على انك اهبل
اما بخصوص يوم ما اتقبض عليا انى كنت فى سيبر هو انا انكرت انى كنت فى سيبر دا حتى انا كنت بايت فى السيبر يوم 25 يناير بس دا مش علشان كنت خايف دا علشان كان معايا احمد عبد الفتاح الصحفى وكنا محتاجين نت فطرينا نبات فى السيبر اما بقا يوم الاحداث انى كنت قاعد فى سيبر فأحب ااقولك بس يأهبل لان السيابر فى يوم 6 ابريل كانت قافلة ثانيا انا كنت مع صحفيين من المال واخوان اون لاين.. ولا ااقولك ابقى اسئل هشام فؤاد والحملاوى اللى كانوا بيتابعوا معايا لحظة بلحظة دا بخلاف وكالات انباء كتير حول العالم
اما بخصوص الشخص اللى انت قابلتة وقالك انى كداب وحاجات دى اعتقد كان الاولى تقول اسمه علشان اشوف انا اعرفة او لا كان لازم ارد وبعدين مش انت ياتافهه ولا اى مخلوق يخلينى اكدب ان اتف من انى ارد على امثالكم

اما بخصوص الصورة الناس ممكن تدخلى على مدونتى وتشوف الاعداد والصور اللى اتسرقت هتلاقيها على كلمة تحذير فى مدونة عمال مصر … اما بقا ياعينى انى صدعت ابراهيم منصور .. انا كلمت ابراهيم مكالمة واحدة كان نصها :” استاذ ابراهيم انا كريم البحيرى حضرتكم خدتوا صورة من عندى ونشرتوها على تقرير لواد تافهه اسمه ابو الدهب
لو سمحت الصورة دى ينزل اعتذار بكرة انها بتاعتى، وتدفع تمن الصورة، او هقدم شكوى فى نقابة الصحفيين واقفلكم الجرنال… واتقفلت المكالمة وتانى يوم نزلت الصورة عليها اسمى، فأتصلت بيه قولتله انا مش عايز المقابل المادى لانى اكبر من كدا… وانتهت المكالمة وكان فى شهود على المكالمتين اللى احدهم كانت على الزراعة الساعة 8 بليل والثانية على الشون الساعة 3 عصرا
اما بخصوص انه بيقولك انى اللى كنت بجرى وراه علشان اشتغل فى الدستور.. يابنى اسئل جهاد طمان قبل ما انت تشوف الدستور اتعرضت عليا من جهاد وانا قولتله ياجهاد بلغهم انى رافض لانى مش هشتغل غير فى البديل وانا مبسوط معاهم… وجهاد عايش نقدر نسأله… اما بقى واقعة اتصال ابراهيم منصور فدا توريك جمايلى عليك ياتافه.. لان الواقعة ان ابراهيم منصور اتصل بيا يوم اضراب غزل المحلة فى سبتمبر 2007 وقالى احنا عايزينك تبعتلنا شغل لان شغلك فى المدونة عاجبنا جدا، فقولتله هو حضرتك مين قالى انه مدير التحرير التنفيذى فى الدستور، ولانى عمرى ما ببص على حاجة فى ايد اى حد، جيت قولتلك ياتافه انت ومصطفى بسيونى هو انت عندك مشاكل فى الجرنال فانت قولت لا، قولتلك اصل فى واحدة اسمه ابراهيم منصور اتصل بيا وعايزنى ابعتله شغل، لو عندك مشاكل حاول تحلها وانا هتصل بيه اعتذرله… وربنا الشاهد على الكلام دا وكان قدام جهاد طمان ومصطفى بسيونى وهشام فؤاد…وبعدين يابنى فى الوقت دا انا اتعرض عليا شغل فى اماكن برقبة الدستور، وانا رفضت لانى كنت بحب البديل ومهنة الصحافة فى الوقت دا كانت مجرد وسيلة لنقل قضايا العمال.
اما بخصوص موضوع فرج عزيزة انه قال انى اعترفت على كل الناس ياريت فرج موجود نسأله وايه الدليل انى اعترفت على الناس، ولو اعترفت على الناس هو انا كنت اعرف ايه علشان اعترف عليه ياهطل، ثانيا لما انا اعترفت قعدت ليه ثلاث شهور،،وممكن تسئل كمان ان كنت جوا السجن كنت بتمحلس للظباط ولا كنت بطلع ميتين ابوهم، وخلية يبقى يحكيلك على واقعة مأمور السجن اللى كان ناقص يبوس ايدى علشان افك الاضراب ورفضت وهددنى بالانفرادى وبردة رفضت.
اما بخصوص واقعة خد موكلك فهمه دى واقعة حصلت لكن مش بالهبل اللى انت قولته دا ياهطل الواقعة ان وكيل النيابة سئلنى ايه اللى حصل فحكيتلة وقائع تعذيبى والقبض عليا… بعدين قالى طب فى اثار تعذيب على جسمك قولتله انا مش عارف لانى مرفعتش هدومى ومتكلبش من يوم ما اتقبض عليا وحتى الان فمقدرتش ارفع الهدوم، فقال لفرج خد موكلك فهمة ياستاذ ان لازم يكون فى على جسمة علامات علشان يقدر يبلغ فى الضباط، رغم انى قولت انى مشفتش جسمى لسة واليوم دا امينة مرات حمادة الكاشف شافت شكلى بالاضافة لفرج وعدد كبير من الناس وممكن يقلولك ومنهم كمان انا كنت متكلبش ازاى وكمال كان بيسمع صوت تعذيبى ازاى، وانا مش هنا علشان اثبت لتافه زيك ايه اللى قولته
اما بخصوص اشرف موسى ياهطل طب هات حاجة عدلة، دا اشرف موسى بيشوفنى بيركبة عفريت.. ثانيا ياعبيط اول يوم خرجت فيه كتبت مقالة على مدونتى التانية اسمها احترس انت الان فى مصر، بعنوان سيدى الرئيس عفوا لقد نفذ رصيدكم كنت بطالب فيها بالافراج عن محمد مرعى وكريم عامر وكل المعتقلين وبهدد فيه مبارك انه هيجى يوم يندم على اعتقالنا وانه هيطاح بيه وتم ترجمة المقال لاكتر من 6 لغات وممكن ترجع للمدونة يبقى مش خايف من مبارك وهخاف من اشرف ياهبل، بالاضافة الى ان اول موضوع عملته بعد ما خرجت كان فى صوت الامة اسمه مبارك اسوء ديكتاتور ولسة عندى ارشيفه بالاضافة الى انه موجود على النت.
اما بخصوص انى وقعت لعائشة على عدم المشاركة فى الاحتجاجات احب ااقولك انك اهبل لانى مش زى بتوع دار الخدمات اللى وقعوا ان مفيش اضراب فى 6 ابريل… وياهبل هات الورقة اللى بتقول عليها،، وياعبيط اساسا انا وعائشة مكناش بنركب على بعض بعد ما شتمتها على البى بى سى عربى يوم 6 ابريل على الهوا وطالبت بأعدام مبارك وحبيب العادلى لما ارتكبوه من جرائم فى المحلة ودا قبل القبض عليا بساعات،، راجع الحلقة على موقع البى بى سى عربى، ودى اتزاعت اربع مرات بعد القبض عليا
اما بخصوص اعتصام اللجنة النقابية ياهبل انا متصور هناك 3مرات فى مشاركات مختلفة بالاضافة الى انك ممكن تبقى تسئل ياهبل بعد الاعتصام دا رحنا اعتصمنا فى اتحاد العمال وانى هزفت حسين مجاور وشتمتة علشان كان بيشتم العمال بتوع دار الخدمات ومحدش فيهم قدر ينطق وبأمارة شقة اسكندرية وما شبه بس يالا خلى الطابق مستور وشاهد الواقعة وائل حبيب كمال الفيومى وائل ابو زويد
اما بخصوص المستشفى ياهبل البطاقة الصحية موجودة، ولو كلامك ياهبل صح احب ااقولك انى تأخيرى فى الرد جه بفائدة، انا خدت حكم بالرجوع لعملى والغاء النقل لان المستندات اللى قدموها اثبتت انى اتفصلت تعسفى كاتك خيبة
اما نصر عدس وحمادة القليوبى وحياة امى انا اول مرة اسمع الاسماء دى ثانيا انا عمرتى ما عملت اعلانات لحد فى صحف وياريت لو انا عملت اعلان تجبهولى وياريت بقى الاهم تجبلى موضوع مرة انا كتبت فيه اسم حمادة القليوبى اما بخصوص اتفاقية الكويز ياهبل انا كنت صاحب الانفراد المعروف عن فضح اتفاقية الكويز داخل غزل المحلة واللى تسببت ان الشركة توقفت فى التعامل فى الاتفاقية بالاضافة الى تحويل المسئولين للتحقيق، والاهم كل الصحف نشرة مدونة مصر تفضح الكويز فى المحلة وراجع لو بتعرف تقرا.
اما بخصوص انى أمنى فدا كلام هطل وكل الحاجات اللى مريت بيها واخرها القبض عليا انا وهويدا طه فى فلم عن بلطجة الجهات السيادية ودا فلم اتذاع فى الجزيرة يقولك ان كنت امنى ولا لا يأهطل
وعمى حمدى مستحيل يقول كلام زى دا ياهبل ودا لاسباب مقدرش ااقولها الان بس تؤكد هو بيثق فيا لدرجة ايه
اما بخصوص موضوع اصل كريم معرفش يجيب عامل واحد انا لا اتذكر هذه الواقعة بس عموما انا مش مقاول انفار فى الدكاكين بتاعم ياهطل ولا زى دار الخدمات التمويل مقطعها وانتم بينولكم من الحب جانب
اما بخصوص انى سبت الندوة وقعدت العب انا لو الندوة اللى فى دماغى بتاع التأمين الصحى اللى جه فيه الاستاذ الهامى المرغنى فانا لما قعدت على النت ياهطل كنت بنزل الصور بتاع الندوة اللى صورتها كلها، وكنت برفعها على النت على صفحة المركز وعلى مدونتى وللبديل فى هذا الوقت وراجع ارشيف الصور على المدونة وفيديوهات كمان
اما اللى قاله عصام فعصام صديق ولن ارد على كلام هو مقلوش ادامى وانا لا اثق فى افاق زيك فى نقل الكلام بصدق لذلك لن اعلق على هذا الجزء
اما واقعة انهم كشفونى بسجل فعيب عليك ياهطل دا انا جيت اصور افتكروا انى بسجل وعموما حتى لو سجلت ياهطل دى كانت ندوة مفتوحة بالاضافة انك قولت بنفسك الامن كان موجود يعنى ندوة منقولة على الهوا ايه لزمتها بقا اصورها وواديها للامن مش تقول كلام عاقل ياد ياهبل
اما موضوع ان جمال ابو العلا منعنى من دخول الدار ابقى اسئلة يلا لما بعتلى علشان قيادات عمال الرابطة تقعد من العمال بتوع دار الخدمات
والاجتماع حضورة جهاد طمان وفيصل لقوشة وعبد القادر الديب والعطار وعدد تانى وكانت مراتى معايا وقعدتها فى الخارج علشان سرية الاجتماع منين منعنى وهو اللى اتصل بيا مش بقولك اهبل وبعدين انا مش هغلط فى الاستاذ ابو العلا لانه راجل كبير لا اكثر لكن لو هنتكلم فنتكلم عن موضوعه فى مساكن الشركة اظن انت عارف كويس
اما بخصوص موضوع السواقين دول سواقين السرفيس ياهبل واللى قابلت واحد منهم بالصدفة وهو اللى حكالى وانا مكنتش اعرفة ولما جات سرتك وقولت عليك رغم انك متستهلش انك صحفى محترم وممكن يروحولك تنشر ازمتهم رد عليا وقالى انك خدت منه الفلوس وحلقتله

اما بخصوص رئيس النقابة ياريت لو بتعرف تقرا
ترجع للموضوع وهتلاقينى اساسا مطلع ميتين اهله والموضوع لسة على المدونة ياهطل اما بقى انى صورته فى البيت فانت عبيط الصور دى فى مكتبه ياهبل وانت وسهام كنتم موجدين فبلاش هبل
اما انى سجلتله وقولتلك التسجيل اتمسح انا مش فاكر القصة دى بس عموما انت وسهام كان معاكم موبايلات بتسجل مسجلتوش لية، اما بخصوص انى قولت لسهام لية مش بنشتغل مع بعض لانى كنت فاكرك بنأدم وينفع نشتغل مع بعض لكنك طلعت اهطل وبتطلع على كتاف الناس ودا معروف جدا فى المحلة
بين كل الصحفيين
اما بخصوص انى اديت المنشورات للأمن القومى فاحب اقولك انك اهبل اولا انا كل المنشورات كنت بنشرها بعد الطبع فورا على المدونة وانا مش زيكم بروح ابيع الناس للأمن وجهاد كان مسئولى فى الائتلاف وممكن نسئلة فى وقائع انى اديت الامن القومى المنشورات
وبعدين ياهطل انا كنت شغال موظف فى الشركة وفى افضل الاقسام تفتكر ايه اللى يخلينى اهتم بالعمال حتى بعد ما اتفصلت على الاقل انا حتى الان مش عارف انفذ حكم الرجوع فى الوقت اللى بتوع دار الخدمات رجعوا حتى من غير احكام
يبقى مين اللى تيتتتتت امن
اما موضوع عم حمدى فهو كفيل يرد عليه بس الكل عارف انه اشرف منك ومن كل اللى تعرفهم على الاقل الراجل لسة عايشة فى شقة متواضعة فى المحلة ومحلتوش غير معاشة الدور والباقى على ناس تانية وبلاش نفتح
اما موضوع انه نصب على سامى فرنسيس ياريت تقولى ازاى نصب عليه وهما اصدقاء وبيتقابلوا وعندى صور حديثة ليهم
اما موضوع العطار وسهام فكل واحد يرد عن نفسه بس اللى احب ارد عليه هو لية لما العطار جامد اوى مضى فى 6 ابريل هو وقيادات محسوبين على دار الخدمات على ان مفيش اضراب فى 6 ابريل 2008 سؤال يحتاج لاجابة
اما انى نصبت على احمد جمال الدين فانت اهبل احمد جمال الدين موجود ويجى يقول انى نصبت عليه اولا الفلوس اللى كمان دفعها تقسيط كانت مقابل انشاء مدونة على الانترنت وتجهيزها بمواد صحفية وعمالية ونقل بيانات الجمعية على المدونة مقابل المبلغ اللى طلع ميتين امى على ما دفعة واعتقد انه مش عيب انى اخد مقابل جهد عملته اللى تتكلم عليه ياهطل لما اخد من عامل زى ناس علشان انشرلهم فى الجرايد، وانا الحمد لله اسمى بين العمال زى البرلانت والارشيف بتاعى موجود ويقول دا والا مكنتش مكتبة الكونجرس اعلنت انها بتأرشف مدونتى كأحد اهم المصادر فى الشرق الاوسط اللى بتكتب عن العمال ياهطل
اما موضوع فرج عزيزة انا عمرى ما قولتله الكلام دا ياهبل والاستاذ فرج شخصية محترمة ولا اعتقد انه قال كلام زى دا
والاستاذ فرج موجود يسئل فى هذا الكلام ودلائله
اما مصطفى صبحى من اعز اصدقائى ولا اعتقد اننا يوما اتخانقنا مش كان هيضربنى وبعدين ياد انت فاكر ان فى حد فى الدنيا ممكن يدافع عنك دا انت نكره يابنى
يابنى هو انت فاكر نفسك شجرة مثمرة علشان اذيدك قوة يابنى انت اتفه من انى احدفك بالطوب يابنى شوف يابنى علاقتى بصحف العالم ومعرفة الناس اللى بشتغل معاهم وشوف انت يابنى مين يعرفك
هذا وبالله التوفيق

Reply

كريم

January 30, 2013 4:10 pm

انا بعت الرد اتمنى ينشر يامرعى على كلام الفسل ابو الدهب… الاهم بقى يابو الدهب اللى نسيت اقولهولك انى لو من مرعى كان زمانى ممرمطك فى المحاكم ياحرامى الصور
بس لان مرعى محترم فعداها

http://egytimes.org/wp-content/themes/platform