ردا على اللواء ممدوح شاهين الذى استشهد بأمريكا فى عدم مناقشة امور متعلقة بالجيش داخل البرلمان

03 Jun 2011, written by

http://international.daralhayat.com/files/imagecache/medium_thumb/files/rbimages/1301512046619695000.jpg

اللواء ممدوح شاهين

استعرض اللواء ممدوح شاهين مساعد وزير الدفاع للشئون القانوية في الخميس قبل الماضى 26 مايو فى كلمتة بجلسة “الامن القومى والقوات المسلحة” بمؤتمر الوفاق الوطنى طبيعة ودور القوات المسلحة وكيفية التعامل معها فى المرحلة المقبلة , ما اود ان اعلق علية فى تصريحات شاهين تلك المتعلقة بالعلاقة ما بين المؤسسة العسكرية والسلطة التشريعية المتمثلة فى البرلمان , شاهين اكد فيما هو نصة

(عدم طرح الأمور الخاصة بالقوات المسلحة فى البرلمان، لافتاً إلى أن هذا لا يحدث فى الولايات المتحدة الأمريكية، نظراً لوجود أسرار تتعلق بالقوات المسلحة لا يمكن مناقشتها بشكل علنى، كما يحدث فى الدستور التركى الذى ينص على عدم طرح أى استجواب خاص بالقوات المسلحة داخل البرلمان.) , بالاضافة الى حديثة الخاص بضرورة وضع قوانين تحدد العلاقة بين الرئيس الجديد والمؤسسة العسكرية

بالنسبة للتصريح الاول والخاص باستشهادة بأمريكا فى عدم طرح الامور المتعلقة بالقوات المسلحة داخل البرلمان هذا الكلام عارى من الصحة تماما لان وزارة الدفاع الامريكية (البنتاجون) تخضع للمراقبة بشكل كامل ويقيم ادائها ويستدعى قادة الجيش بمن فيهم وزير الدفاع للاستجواب داخل مجلس الشيوخ فى امور متعلقة بمهام يقوم بها الجيش خارج البلاد , ميزانية الدفاع تناقش ويتم تقليصها او زياداتها حسب رأى الاغلبية فى المجلس , فى رأى ان المجلس الاعلى للقوات المسلحة الذى هو بطبيعة الحال امتداد لنظام مبارك يريد ان يخلق دولة داخل الدولة , المؤسسة العسكرية فى النهاية ياسادة هى مؤسسة مثلها كباقى مؤسسات الدولة يجب ان تخضع للمراقبة والسؤال  ,يجب ان نعرف من خلال ممثلينا فى مجلس الشعب طبيعة عمل هذة المؤسسة المهمة كيف يدار اقتصاد ومشاريع الجيش , صفقات الاسلحة وغيرها , نحن لا نشكك فى احد لكن العاملين فيها فى النهاية هم بشر مثلنا منهم من يصيب يستحق الاشادة ومنهم من يخطىء يستحق العقاب,وطالما ان اللواء شاهين استشهد بأمريكا فى سياق حديثة لتأكيد ما يطرحة احب ان اقول لة ان مجلس الشيوخ الامريكى توجد بة لجان متعددة تراقب كل ما يتعلق الجيش الامريكى , بالتأكيد ليست كل الجلسات التى تناقش هذة الامور تكون علنية حتى لا تمثل ضررا على الامن القومى لكن بالتأكيد ايضا ان هناك جلسات علنية يشاهدها الجمهور والشعب هناك يرى فيها كيف ان وزير الدفاع وقادة الجيش يخضعون للاستجواب والسؤال من اعضاء البرلمان

فى مصر الثورة وحين نتحدث عن دولة مدنية لا دور للعسكر فيها سوى حماية حدود مصر من اى عدوان خارجى يجب ان تختفى الخطوط الحمراء لا احد فوق النقد ومباح لنا الحديث فى كل شىء , الشعب كما قال احد المدونين هو الخط الاحمر وجميع مؤسسات الدولة بما فيها العسكرية خاضعة للشعب

واليكم بعض الروابط توضح شكل التعامل بين وزارة الدفاع الامريكية (البنتاجون) ومجلس الشيوخ الامريكى ولجان مجلس الشيوخ التى تراقب اداء المؤسسة العسكرية بما فيها ميزانية وزارة الدفاع بالاضافة الى روابط متعلقة بقوانين حرية تداول المعلومات وغيرها

http://armed-services.senate.gov/about.htm

http://www.opencongress.org/bill/112-s355/text

http://www.gpo.gov/fdsys/pkg/BILLS-105s712rs/pdf/BILLS-105s712rs.pdf

http://www.justice.gov/oip/foia_updates/Vol_XVII_4/page2.htm

http://www.gwu.edu/~nsarchiv/nsa/foia.html


Continue reading

استدعاء المدون حسام الحملاوى والاعلامية ريم ماجد والصحفى نبيل شرف الدين للنيابة العسكرية..استمرار دولة القمع

30 May 2011, written by

حلقة اون تى فى التى دفعت النيابة العسكرية الى استدعاء حسام

هى استمرار لدولة القمع وانتهاك الحريات وعدم احترام حرية الرأى والتعبير حيث استدعت النيابة العسكرية الناشط والصحفى والمدون حسام الحملاوى والاعلامية ريم ماجد الى النيابة العسكرية للمثول امامها غدا الساعة العاشرة صباحا على خلفية ما قالة حسام يوم الخميس الماضى 26 مايو قبيل جمعة الغضب الثانية بيوم واحد بخصوص انتهاكات الشرطة العسكرية التى يترأسها اللواء حمدى بدين والاعتقالات التى تمت لالاف من المدنيين وكشف العذرية للفتيات , بالاضافة الى استدعاء النيابة للصحفى نبيل شرف الدين مدير موقع الازمة الالكترونى بخصوص ما صرح بة يوم الجمعة 27 مايو على قناة اون تى فى عن وجود تفاهمات وصفقة ما بين جماعة الاخوان المسلمين والمجلس الاعلى للقوات المسلحة مما جعل اللواء ممدوح شاهين احد اعضاء المجلس العسكرى يتصل بة ويوبخة على الهواء , باستدعاء هؤلاء الاعلاميين والصحفيين وقبلهم الاعلامية بثينة كامل يؤكد بما لا يدع مجالا للشك ان دولة الحريات وحقوق الانسان التى قامت ثورة 25 يناير من اجلها لم تولد بعد وان المجلس العسكرى هو استمرار لنظام مبارك من  حيث الاستبداد وقمع الحريات

الحلقة التى استدعى نبيل شرف الدين بسببها للنيابة العسكرية

يسقط يسقط حكم العسكر —- الميدان هو الحل


Continue reading

شهادة محمد عفت على ما حدث امام السفارة الاسرائيلية فى ذكرى النكبة-ادانة للجيش والشرطة معا

17 May 2011, written by

الصحفى محمد عفت شاهد عيان على جريمة الجيش والشرطة فى حق متظاهرى السفارة الاسرائيلية فى ذكرى النكبة قبل يومين , تظاهرة شارك فيها العشرات من المصريين للمطالبة بطرد السفير الاسرائيلى من القاهرة وللتضامن مع الشعب الفسطينى فى ذكرى نكبة فلسطين عام 1948 , هذا اليوم الذى عادة ما تشهد فية اغلب عواصم العالم مظاهرات امام السفارات والقنصليات الاسرائيلية من احرار العالم للتضامن مع القضية الفلسطينية دون ان تتدخل اجهزة الامن فى هذة الدول فى فض تظاهراتهم بالرصاص الحى والقنابل المسيلة للدموع كما يحدث عندنا , الشرطة المصرية تعاملت فى وجود قوات الجيش مع متظاهرى السفارة بالقاهرة بعنف شديد اسفر هذا عن اصابة ما يزيد عن 360 متظاهر منهم شاب يدعى عاطف يحيى اصيب بطلق نارى برأسة واعتقال ما يزيد عن 180 شابا حولوا جميعهم الى المحاكمات العسكرية , محمد عفت يروى شهادتة على ما رأة وسمعة فى هذا اليوم واتمنى ان نركز فى كل كلمة قالها لنرى كيفية تعامل ضباط الشرطة والجيش مع المصريين بعد الثورة !!؟

محمد عفت

كانت الساعة الواحدة والربع بعد منتصف الليل عندما وصلت مع صديقي طارق شلبي شارع مراد بالقرب من السفارة الاسرائيليه, وجدنا مجموعة من الشباب متجهين نحو السفارة وهم يرددون الشهادة. كانت المنطقة حول تمثال نهضة مصر اشبه بساحة حرب

مشينا معهم حتى وصلنا إلى الناصيه أمام جنينة الحيوانات, كان على الناحيه التانيه (ناحية السفارة ) حوالي 300 عسكري أمن مركزي قافلين مطلع كبري الجامعة, و مدخل الشارع بتاع السفارة

كان في متظاهرين تانيين عند تمثال نهضة مصر, وبقية شارع الجامعة كانوا حوالي 200 واحد. ماكانش في حد عند السفارة تماما, وقفنا شوية وبدأ البعض في الهتاف. بعد دقائق قام جنود الأمن المركزي بضربنا بكميات مهولة من الغاز المسيل للدموع. جرينا لورا بإتجاه شارع مراد عشان نبعد عن الغاز.

و استمرينا في كده شوية, كل ما نقرب يضربوا قنابل غاز بكثافة فنرجع لورا.

نفس الغاز الفاسد اللي كانوا بيضربوه وقت الثوره- لحد ما فمره قعدوا يضربوا غاز بكميات غير طبيعية, وابتدوا يتحركوا في اتجاهنا, كنا ساعتها واقفين عند كنتاكي والفور سيزونز, ابتدينا نجري أبعد أكتر, وقتها فوجئنا بعساكر جيش جايين علينا من الناحيه التانيه, رافعين أسلحتهم وبيضربوا نار في الهوا بطريقة عشوائيه, مرعبه و رهيبه.

ماكناش عارفين نعمل إيه, طارق كانت عربيته مركونه جنب كنتاكي, اقترح نركبها. قلتله مش هنلحق.

كان اللي موجودين هناك حوالي 50 أو 60 واحد وكان معانا 2 أصحابنا تانيين (كريم صالح و حسام أسامة ناصف وهما مقبوض عليهم برضه), جرينا كلنا ناحية شارع جانبي بيطلع على الكورنيش, في محاوله للهرب, لقينا في آخر الشارع 4 عساكر جيش قافلين نهاية الشارع, بمجرد ماقربنا ناحيتهم نزلوا بركبهم على الأرض, شدوا أجزاء بنادقهم وابتدوا يصرخوا اللي هيقرب هنضربوا. أقف مكانك منك له. وابتدوا يضربوا نار في الهوا.

كنا ساعتها في حالة فزع فوقفنا مكانا, وفي خلال ثواني كان عساكر الجيش قفلوا مدخل الشارع وتمت محاصرتنا.

بدأ ساعتها عساكر وضباط الجيش من الناحيتين بإطلاق النار في الهوا بطريقة لا توصف, كانت كفيله بإرهابنا كلنا واستسلامنا.

حاصرونا العساكر على الرصيف, و اجبرونا على النزول على ركبنا ووضع ايدينا على رؤوسنا, وهم موجهين أسلحتهم ناحيتنا, واخرون مستمرين في ضرب النار, ثم جعلونا ننام على بطوننا رؤوسنا في اتجاه الأرض, وايدينا خلف رؤوسنا. مع استمرار توجيه الاسلحة نحو رؤوسنا واطلاق النار في الهواء.

كان بجانبي طفل عمره على ماأظن لا يتعدي ال8 سنين, كان منهار من العياط, والخوف والذعر, أجبروه زينا إنه ينام على بطنه.

بعد دقيقتين نقلونا على الرصيف التاني, وفضلنا في نفس الوضعيه, كان اللي بيرفع دماغه من على الأرض كان بيضرب على رأسه ويتهان. وصل بعد كده رجال الشرطة وبدأوا في جرنا واحد ورا التاني, شكلونا في صف واصطحبونا على الكورنيش ناصية السفارة.

(ملحوظة: أي تحرك من حتة لحتة كنا بنعمله كان بيبقى زحف على الركب, واللي يقف كان بيضرب ويتشاط لحد مايقع)

المسافة مابين الشارع وناصية السفارة على الكورنيش كان شاددني من قفايا ضابط شرطة, والجيش مأمن وراهم. قعد يشتمنا ويضربنا في الطريق, قاللي “فلسطين إيه وخرا إيه, هو احنا لاقين ناكل يا ولاد الوسخة, عاملينلي فيها رجالة وعلى القدس رايحين. دانتوا شوية خولات, طب كس ام فلسطين على كسمكم”

وصلنا تحت كوبري الجامعة لقينا في انتظارنا حوالي 200 عسكري أمن مركزي, 10 عربيات أمن مركزي من بتوع الترحيلات, ضباط وعساكر جيش كتير.

قعدونا صف جنب أحد العربيات مقرفصين على ركبنا, وشنا في الأرض وايدينا ورا راسنا, كانوا بيعاملونا ولا المجرمين أو أسرى الحرب, اللي يرفع وشه أو يحاول يعدل رجله حتى كانوا بينزلوا فيه تلطيش. كان الضرب و الاهانات شغالة عاطل على باطل.

ضابط جيش وقف وقعد يزعق “عاملين فيها رجالة يا شوية خولات, تعالوا اتفرجوا على الفرقة الرابعة اللي لسة داخلة الجيش من شواذ الثوره بتاعتكم. كل واحد بعد ما لبس الميري بقى يا عين أمه مش طايق, بيدور يكلم بابي أو مامي عشان يخرجوه, مش هم دول بتوع الثوره”

ضباط الشرطة والعساكر كانوا نازلين فينا ضرب وشتيمة بغل غير طبيعي, طلتيش بسبب ومن غير سبب, ضابط مسك واحد ونزل في ضرب وهو بيقولوا “انتوا فاكرين نفسكم إيه, فاكرين إن انتوا كسرتونا وهاتتنتطوا علينا, لأ فوقوا يا ولاد المتناكة, هو انتوا لسة شفتوا حاجة دحنا هنطلع دين ابوكم”

كل الاهانات دي شغالة بدون توقف مع استمرار الضرب العشوائي لحد ماتقريبا قبضوا على كل اللي قدروا يجيبوهم, أنا اللي شفتهم كانوا حوالي 50 أو 60 واحد مع العلم إن ماكانش حد يقدر يرفع راسه. بس أظن إن كان في أكتر من كده.

كريم كان قاعد جنبي, هو دقنه طويله شوية, جه ضابط شرطة رفع دماغه وقاله “الله أنت مستشيخ يا حبيبي, هه يا شيخ أحا, وبتصلي على كده يا روح أمك وقام ضربه على دماغه”

فضلنا كده شوية, لحد ماجه ضابط جيش شكله كان رتبه كبيره معرفتش أحددها, ابتدى يبص في وشنا واحد واحد, تقريبا كان بيدور على حد معين. كان بيرفع راس كل واحد و لما يلاقيه مش اللي بيدور عليه, يروح ضربه على دماغه مطاطيها في الأرض تاني. وبعد ما خلص رايح مزعق وقال ” علم إيه ده اللي عايزينه ينزل يا خولات الثوره, دانتوا لباسكم هو اللي هينزل, طول ما احنا واقفين هنا مفيش أعلام هتنزل, سامعين!!”

ابتدت الشرطة بعد كده تلم البطايق و التليفونات, وابتدوا يندهوا علىنا واحد واحد, وكل واحد يقوم يتمسخروا عليه ويقولوله اتفضل على السجن الحربي ياض منك ليه, هتنبسطوا هناك قوي يا شباب الثوره”

مع التهديد المتواصل بإن كل واحد هيلبس على الاقل 3 سنين سجن وهما بيضحكوا.

في طريقي للبيت لم اتمالك نفسي من شدة الإهانات اللي اتعرضنالها خصوصا من ضباط وعساكر الجيش, بكيت وأنا باحكي لسواق التاكسي وهو بدوره من كتر ما ماكانش مصدق قعد يعيط طول الطريق”

ملحوظات هامة:

- معظم ضباط الشرطة اللي كانوا بيضربوا ويشتموا كان باين عليهم انهم مرتاحين ماديا, وجايين من مناطق راقيه.

- كتير من الشباب اللي كان مقبوض عليهم كان مظهرهم فقير, ودول أكتر ناس هايتنسوا وهيلبسوا في الحيط, الموضوع مش طارق ومصعب وانتهينا.

- هما مظهرهم فقير آه لكنهم مش بلطجيه, والدليل انهم منعوا واحد كان متعصب وعايز يكسر كنتاكي وعملوا درع بشري قدامه وقعدوا يهتفوا سلميه

- حتى عُمال كنتاكي و الفور سيزونز اللي كانوا واقفين في الشارع اتقبض عليهم.

- يا ريت ماحدش يسألني أنا مشيت ازاي, عشان لو قلت  ممكن ناس تتاذي (أعذروني)

أنا رويت كل اللي شفته بعيني أو سمعتوا بوداني, و ربنا شاهد إني لا بالغت في حاجة و لا اختلقت كلام من عندي

رجاء النشر

محمد عفت


Continue reading

مظاهرة السفارة الاسرائيلية بالقاهرة-اكثر من 24 مصاب منهم اصابة بطلق نارى فى الرأس و50 معتقل

15 May 2011, written by

اسفر الهجوم الذى شنتة قوات الشرطة على المتظاهرين امام السفارة الاسرائيلية بالقاهرة مدعومة بقوات الامن المركزى  وفى حماية قوات الجيش عن اصابة 24 متظاهر منهم متظاهر مصاب بطلق نارى فى الرأس فى حالة حرجة بالاضافة الى اعتقال اكثر من 50 متظاهر متوقع ان يتم احالتهم الى النيابة العسكرية , كان المئات من النشطاء قد نظموا مظاهرة احتجاجية ليلة امس استمرت لفجر اليوم امام السفارة الاسرائيلية بالقاهرة فى ذكرى نكبة فلسطين للمطالبة بطرد السفير مما دفع قوات الامن المدعومة من قوات الجيش الى مواجهة هذة التظاهرة السلمية بالرصاص الحى والغازات المسيلة للدموع لتسفر عن عدد من الاصابات والاعتقالات

الشعب يريد اسقاط النظام- الميدان هو الحل


Continue reading

فى ذكرى النكبة امام السفارة الاسرائيلية بالقاهرة ..الامن يستخدم الرصاص الحى والغاز المسيل للدموع لتفريق المتظاهرين

15 May 2011, written by

نظام مبارك لم يسقط بعد , نظام مبارك لا يزال قائم فى مجلس عسكرى يأبى ان يتماشى مع مصر الثورة ,مصر الثورة التى يجب ان يكون حق التظاهر والاحتجاج السلمى فيها مكفول , العالم كلة ينتفض اليوم امام السفارات الاسرائيلية فى ذكرى نكبة واحتلال فلسطين,انظمة العالم بما فيها حتى الولايات المتحدة الامريكية سمحت للفلسطينيين هناك وغيرهم من داعمى الحق الفسطينى من التظاهر الا النظام المصرى ,قوات من الجيش والشرطة والامن المركزى فرقت ولا تزال جموع من النشطاء يتظاهرون امام السفارة الاسرائيلية بالجيزة مستخدمة الغازات المسيلة للدموع والرصاص الحى والمطاطى , لماذا تدافع قوات الامن بهذة الشراسة عن السفارة الاسرائيلية من جماهير اكدت ان تظاهراتهم امام السفارة سيكون سلمى , الشعب المصرى من خلال هذة التظاهرة اراد ان يبعث برسالة الى اسرائيل والمجلس العسكرى فى مصر ان سفارة تل ابيب غير مرغوب فيها على ارض الكنانة , الامن المصرى مدعوما بقوات الجيش لم يكتفى بقمع تظاهرة السفارة بل سبقها بالقبض على مجموعة من النشطاء ومنع مجموعات اخرى كانوا ينوون الذهاب الى رفح للتظاهر امام المعبر اليوم وامس ,, النظام لم يسقط بعد ولابد ان تكون هناك ثورة ثانية على بقايا النظام المتشبسة فى السلطة والمدعومة غربيا من اميركا واسرائيل , استمرار وجودهم على هرم السلطة يعنى ان شيئأ لم يتغير لانهم سيسعوا الى اعادة بناء نظام مبارك بكل مساوئة كما كان ,, لن تتغير سياسة مصر الخارجية وستظل تابعة للسياسة الامريكية


Continue reading
http://egytimes.org/wp-content/themes/platform