EgyTimes ايجى تايمز :- BookMarx {Egypt-USA-Left-Tanta-Flax-Workers-Afghanistan-Saudi}

02 Dec 2009, written by

Posted from Diigo. The rest of my favorite links are here.


Continue reading

EgyTimes ايجى تايمز :-BookMarx {Ferial Rip-Switzerland-Racism-Saudi-Egypt-Humanrights}

01 Dec 2009, written by

Posted from Diigo. The rest of my favorite links are here.


Continue reading

قانون البلطجة هو الذى يحكم فى الشارع المصرى الان

26 Nov 2009, written by

فى ظل وجود انظمة قمعية واستبدادية كنظام مبارك يصبح امان المواطن العادى وحياتة بلا اهمية ولا قيمة وينعدم الامان الاجتماعى ويرجع ذلك الى انشغال الاجهزة الامنية التابعة لمثل هذة الانظمة  بالامن السياسى ( امن النظام القائم ) على حساب الامن الجنائى او الاجتماعى

لم اكن اتخيل ان الامور قد وصلت الى هذة الدرجة من الخطورة فمن السهل جدا الان فى الشارع المصرى ان تتعرض للضرب والبلطجة او تفقد حياتك لمجرد  رغبتك فى الحصول على حقك , هناك انفلات وتفكك اجتماعى دعونا من مقولة أن مصر هى بلد الامن والامان فلا وجود لمثل هذا المعنى على ارض الواقع فمصر الان اصبحت بلد البلطجية والمجرمين الذين يمرحون فى شوارع مصر ويعرضون حياة المواطنين الامنين للخطر,, فى كل مدينة او حى فى مصر تجد مثل هذة التكتلات من البلطجية والمجرمين ,المحلة الكبرى على سبيل المثال هناك اسر معروفة بالاسم يشتهر كل افرادها بالبلطجة ومخالفة القانون وتعريض حياة الناس للخطر وفرض اتاوات على بعض المحلات وعلى البائعيين فى الاسواق ومن يرفض منهم دفع الاتاوة يكون جزائة الضرب والتنكيل .. واصبح بعض من افراد هذة الاسرة ذو نفوذ وقوة تجعل ظباط الشرطة يخشون القبض عليهم او التعرض لهم

كنت قد نوهت من قبل عن الاسر المشهورة بالبلطجة والاجرام فى المحلة الكبرى وتقاعست فى كتابة اى تقرير عنهم رغم نزولى الشارع وتحدثى مع بعض البائعيين فى الاسواق واصحاب المحلات الذين يعانون من نفوذ وسيطرة هؤلاء المجرمين  ويرجع عدم كتابتى الى نصيحة من بعض المقربين اننى بذلك اعرض حياتى للخطر فهؤلاء البشر لا يهمهم قانون ولا شرطة ولن تجد من يحميك فى حالة اذا علموا بهذا ووصلوا اليك ,,
الغريب  انة فى مقابل ترك هذة المجموعات الاجرامية تفعل ما تشاء فى الشارع وتعريض حياة المواطنين للخطر يتم الاستعانة بهم من الامن والشرطة واعضاء الحزب الوطنى فى حالة اذا كانت هناك اى انتخابات يسعون الى تزويرها باقصاء الخصوم ومؤيديهم  باساليب الضرب والتنكيل واعتقد ان الكل شاهد تلك الوقائع وقرأ عنها فى انتخابا مجلس الشعب او الشورى او الرئاسية السابقة
ما حدث معى فى المنصورة
هناك اقعة حدثت معى يوم امس الاربعاء 25/11/2009 فى مدينة المنصورة جعلتنى اشعر وأتأكد فعلا ان هذا البلد قد ضاع واصبح قانون الغاب هو الذى يحكم فالبقاء للاقوى
لن اضع كل سائقى الميكروباصات والسرفيس فى خانة المجرمين والبلطجية فسيصبح اقحاف وظلم بين ولكنى سأشير فقط الى فئة منهم ليست بالقليلة احترفت الاجرام وتعريض حياة الامنين للخطر وفرض اموال زائدة عليهم دون اى سند قانونى
فى موقف الدراسات بمدينة المنصورة فى انتظار اى سيارة سرفيس لتنقلنى الى موقف الجامعة
كانت الساعة الواحدة ظهرا والموقف مكتظ بالمواطنين وعدد سيارات السرفيس قليلة لا تكفى لنقلنا.. وبعد انتظار نصف ساعة اذا بمينى باص سرفيس يأتى فنسرع الية جميعا لعل احدنا يفوز بمقعد يجلس علية بدل الوقفة

بمجرد ركوبنا اذا بالتباع يقول بصوت عالى ..ياجماعة الاجرة خمسين قرش واللى مش عاجبة ينزل ومش هكررها تانى ..لم يهتم الركاب بكلام التباع الكل يعلم ان الاجرة الرسمية هى 30 قرش وليست 50 قرش .. التباع يكرر كلامة مرة اخرى الاجرة خمسين قرش ..اعترض اغلب الركاب احدهم قال ازاى يعنى خمسين قرش الاجرة 30 قرش بس انا لسة راكب الصبح ب30 قرش انتا هتزودوها براحتكم ,اخر قال انا مش هدفع غير 30 قرش واللى عايز يعملة يعملة .. رد التباع والسائق بانفعال وصوت عالى انت ياعم انت وهو الاجرة ب50 قرش وان مش عاجبة ينزل احا احنا مش هنكلم كتير .. سكت الجميع ولم ينطق احد منهم واذا بأصوات اخرى بنت كلب جبانة ياجماعة يعنى اية 50 قرش خلونا نروح بقى ان شاللة تكون جنيةقلت للتباع والسائق لو سمحتوا ما تعلوش صوتكم الاجرة رسميا ب30 قرش مش ب50 قرش انت كدة بتخالف القانون وانا مش هدفع غير الاجرة الرسمية ..رد بانفعال وقال قانون مين ياعم انتوا هتشتغلونا على الصبح لو مش عاجبك انزل وخد رقم العربية وروح اشتكينى .. قلتلة انا مش هنزل وانت مش من حقك تنزلنى لان دة كمان يعتبر مخالفة.. فى هذا الاثناء اصوات من الركاب ياعم ما تخلصنا بقى وادفع ال50 قرش هو فى مواصلات واصوات اخرى :- الراجل دة بيكلم صح والمفروض كلنا نكلم معاة .. ودة اللى ظهر فى الاخر وعرفت ان كلهم جبناء ما عدا واحد فقط
التباع فى انفعال شديد يحاول بالقوة انزالى وكل كلامى لة احترم نفسك ونزل ايدك لانى مش هنزل .. البلد فيها قانون .. اتصلت بشرطة النجدة 122 احدهم يرد ..مين معايا انا —- وراكب فى سرفيس دلوقتى فى الدراسات المفروض يودينا الجامعة والاجرة 30 قرش وعايز يزودها ل50 قرش بالقوة . التباع يستعمل شتيمة قذرة وبذيئة .. شرطة النجدة :-انت رحت فين قلتلة ..انت مش سامع الشتيمة دا عايز ينزلى بالعافية ..قال طب انتم فين قلتلة فى موقف الدراسات .قال فين فى موقف الدراسات ..قلتلة يافندم فى موقف الدراسات سياتك مش عارفة ؟..انقطع الاتصال
السائق يترك مكان القيادة .. انت ياعم انت انزل من العربية ومش عايزين كلام كتير قلتلة لو سمحت مش من حقك تنزلنى ومش هدفع غير الاجرة الرسمية .. يستعمل القوة فى انزالى من السيارة وانا اقاوم والركاب فى سلبية تامة ياحرام ( ياحرام!! عالم بنت كلب وسخة جبانة بيتمزجزا قوى من اللى بيفشخهم وياكل حقهم),احد الركاب للسائق انت بتعمل اية الراجل مش غلطان ..السائق :-احا ياولاد دين الكلب ..طب يلة انزل انت كمان معاة ..اجبرنا على النزول بالقوة ..وفى لحظة نزولنا ..يقوم هذا البلطجى بضربى بالبوكس فى جمبى وبالروسية فى رأسى مع كم هائل من الشتائم
الناس اللى كانت واقفة بتتفرج ابعد عنة دا بلطجية كلهم ..كل يوم بيحصل كدة ,, فيكوا الخير يابتوع مصر فوق الجميع

اخذت رقم السيارة 2372..وعرضت على الراكب الاخر الذى اجبر على النزول معى بالذهاب الى قسم الشرطة لعمل محضر بالواقعة فوافق على الفور .. اخذت تاكسى ووصلنا الى قسم تانى المنصورة وبمجرد دخولنا القسم سألت عن مكتب المأمور او رئيس المباحث .؟؟. رئيس المباحث مش موجود اللى موجود بس حضرتك المأمور ومكتبة فى الدور التانى , دخلت للمأمور ورويت لة وقائع ما حدث .. فأمر فى كل برود كأنة شىء عادى ان انزل الى الدور الارضى لعمل محضر عند امين شرطة يدعى محمد ..لو سمحت حضرتك — قال اية خير؟ .. المأمور بعتنى اعمل محضر عند حضرتك .. قال انت مش شايف كل الناس الى قاعدة هنا دى استنى على ما ييجى دورك ..انتظار ساعة كاملة …الراكب اللى كان جاى معايا شكلة خاف وقالى لوسمحت انا همشى لان بصراحة خايف لاعمل معاك محضر والناس دى تضربنى بسكينة ولا حاجة ..قلتلة اتضل حضرتك ولعلى العموم شكرا جدا على موقفك
امين شرطة اخر:- دكتور محمد تعالى معايا اما اعملك المحضر .. اية اللى حصل ——— انت غريب قوى ناس كتير بيحصلها كدة وعمرها ما فكرت تيجى تعمل محضر
انا لا بلطجى ولا احنا فى غابة علشان اجيب حقى بالقوة ..المفروض البلد فيها قانون يجيبلى حقى ..ولا حضرتك شايف اية ؟..هدى نفسك  بس تشرب حاجة لا شكرا ..لازم تشرب حاجة ..جاب شاى ..فيك الخير ..شكرا
انت عارف اسم السواق دة ؟..لا طب معاك رقم العربية ؟ ايوة 2372 اجرة دقهلية ..عمل المحضر وقالى خلاص اطمن هنجبهولك هنا ونروقهولك .. قلتلة تروقوة لا طبعا !! انا عايز حقى وبس بالقانون بدون ضرب .. كان فى استغراب كامل لرفضى استعمال الضرب والعنف مع من تعدى بالضرب والشتيمة على
خلاص يادكتور محمد المحضر خلص ومن خلال نمرة العربية هنجبيب الراجل ..لو سمحت حضرتك :- انا ممكن اروح شرطة المرور اجيب بيانات صاحب العربية؟؟ .. وانا هديك جواب تروح بية هناك

ذهبت الى شرطة المرور بالمنصورة وحصلت على بيانات صاحب السيارة ويدعى الشبراوى محمد الشبراوى..الخشاشنة مركز دكرنس .. ورجعت على الفور مرة اخرى الى قسم الشرطة ..استغرب امين الشرطة اكثر وقال انا كنت مفكرك هتروح ؟؟..اروح ازاى يعنى انا مش هسيب حقى ..قالى اوعدك خلال يومين على الاكثر هنقبض على الراجل دة ونتصل بيك .. اتمنى ذلك..واتمنى اللى دة ما يحصلشى لناس تانية
المحضر اتحرر برقم 32 احوال قسم تانى المنصورة بتاريخ 25/11/2009 بتهمة التعدى بالضرب والسب والقذف  غير زيادة الاجرة مخالفة للاجرة الرسمية وهذا يعتبر جنحة
اتصلت بالمحامى علشان يتابع الموضوع  ومش هسكت لحد ما يجيلى حقى واذا القانون عجز انة يرجعلى حقى ساعتها هتأكد انى علشان اعرف اعيش فى البلد دى يبقى المفروض اطاطى وارضى اللى اتسرق عينى عينك ودة من رابع المستحيل او حتى بقى ودا صعب جدا طبعا انى اشيل معايا مطوة ولا سكينة علشان احمى نفسى
فى النهاية اقول انة رغم ما حدث معى لا استطيع الا ان الوم فقط النظام المصرى  الذى كما قلت بالاعلى اهتم بالامن السياسى على حساب امن المواطنين والدليل ارتفاع نسبة جرائم القتل والسرقة والبلطجة فى وجود مؤسسة امنية غائبة تماما  اصبح كل هدفها الشاغل بالنسبة للحفاظ على امن المواطنين البحث عن مرتكبى الجرائم (وغالبا ما يتم تلفيق التهم ) بدلا من السعى الى منع حدوثها


Continue reading

EgyTimes :- BookMarx رسالة من جزائرية لكل مصرى والبرلمان الجزائرى يعتذر لمصر

23 Nov 2009, written by Continue reading

EgyTimes BookMarx :- {Egypt-Algeria-AlaaMubarak-Racism-MB-Housing-Sinai}

22 Nov 2009, written by

Posted from Diigo. The rest of my favorite links are here.


Continue reading
http://egytimes.org/wp-content/themes/platform