Comments on: بيان من مثقي الجزائر: لا للشوفينية

By: د.عبد الحميد عوض

د.عبد الحميد عوض — Wed, 25 Nov 2009 11:33:15 +0000

تحياتى لمثقفى مصر والجزائر
أؤيد كلا البيانين الصادر من ضمير الشعبين المصرى والجزائرى .
لكن هذا لايمنع البحث فى أسباب ماحدث ليس للحساب ومعرفة المخطئ فحسب ولكن لتلافى ماهو قادم وهو كثير .
كيف يقود أنصاف المتعلمين أمم لها تاريخ مصر والجزائر ؟
كيف يكون هؤلاء هم المتحدثون بإسم الشعبين؟
كيف يسيطر هؤلاء على كل أجهزة الإعلام وكل من يخالفهم فى الرأى إما خائن أو منافق؟
كيف يقود الغوغاء الشارع فى كلا البلدين ؟
كيف تصل الأمور أن قيادتاالبلدين تبنى حساباتها فى التعامل مع الأمر بناء على توجهات أولئك وهؤلاء ؟
هل هكذا تفرط الأمم فى ثوابتها ؟
هل هذا ماسنتركه لأولادنا من بعدنا .. أحقاد وضغائن وفرقه ؟
من لايقرأ التاريخ يعش حياته طولآً ومن عاش التاريخ وقرأه واستوعبه يعش حياته طولاً وعرضاً .
ماذا كان سيقول / أحمد بهاءالدين عنا لو امتد به الأجل .
أخى الجزائرى أنا شقيقك بإرادتك أو رغماً عنها وثوابتنا وتاريخنا ومستقبلنا مشترك ..فهل نتبع الغوغاء أم نعلى صوت الحق والعدل والخير والجمال .
تحياتى وشجونى .
تحاتى وشجونى

By: Fathys

Fathys — Sun, 22 Nov 2009 20:03:52 +0000

و مين قال ان انا كنت موافق على جلد المصريين في السعودية؟
لو علي انا مش عايو العرب كلهم من الأساس
و بعدين خلينا نبقى صراحء .. لما مصريين اتقتلوا على الحدود مع اسرائيل مكانش فيه نية مبيتة .. الكومة بقى طنشت على خقنا ده موضوع تاني

مش هاختلف معاك ان احنا لو كان لي كرامة جوه كان بقى لينا كرامة بره
و بعدين انت برده استشفيت منين موافقتي على تعذيب المصريين في الاقسام و لا انني مثلا من مطبلين نظام مبارك و السيد نجله؟

سميها نرجسية .. شوفينية .. مش فارق معايا بصراحة

By: Mohammed Maree

Mohammed Maree — Sat, 21 Nov 2009 16:15:51 +0000

خلاص يافتحى نعلنها حرب على الجزائر .. ونقطع العلاقات اية رأيك ساعتها هترتاح ,هتحس اللى كرامتك رجعت لك .. كانت فين كرامتك دى وكرامة المصريين بتهان كل يوم فى اقسام الشرطة ومقرات امن الدولة وطوابير العيش ,, كان فين حماسك دة والمصريين بيتجلدوا فى السعودية ما طالبتش لية سياتك ساعتها بقطع العلاقات مع السعودية ..كانت فين كرامتك والعساكر المصرية بتتقتل على الحدود مع اسرائيل ما سمعناش حد من بتوع مصر فوق الجميع طالب بقطع العلاقات مع اسرائيل وسحب السفير
اما بقى بالنسبة لموضوع التعدى على المصريين فى السودان مفيش حد قال الموضوع يعدى بالساهل وننساة لا المطلوب يكون رد الفعل عاقل شوية ونبحث عن الاسباب اللى وصلتنا للدرجة دى ..ونحاسب المسئولين الحقيقين عن هذة الجريمة .. تفتكر حضرتك لو نظام مبارك اهتم شوية بتأمين الجماهير هناك زى ما اهتم بتأمين جمال وعلاء كانت حاجة هتحصل .. اللى حصل دة يافتحى كان متوقع
وبعدين ياعمنا اية النرجسية اللى انت فيها دى ..اوعى تكون مصدق ان مصر ام الدنيا فعلا ..هى اة ام الدنيا بس مش فى وجود نظام كنظام مبارك

By: Fathy

Fathy — Sat, 21 Nov 2009 15:18:43 +0000

يا سلام على كلام اليساريين
و الله انتم عالم عايشين في البطيخ
يسقط اليسار و اليمين و العرب و كل شيء .. الا كرامة مصر و المصريين
بلاش بقى كلام العقلاء و النخب و المثقفين ده
بس الغريب ان اليساريين دايما فاكرين نفسهم من الشعب و من اجل الشعب .. كل اليساريين اثبتوا في هذا الموقف انهم مازالوا في ابراج عاجية .. بصراحة احسن خليكوا فيها و سيبوا الشعب في حاله بقى

بلا فقع