بس المشكلة أقدم و أعمق مما يتصوره الكثيرون .. هى حتى أقدم من هجمة الفكر الوهابى و إنتشار مظاهر و أفكار التدين السطحى و إلى آخر هذه الأمور ..

مصر فى جانب كبير منها لم تخرج بعد من عصورها الوسطى .. ما نقرأه عن النهضة المصرية بداية من القرن التاسع عشر لم يلمس إلا سطح المجتمع فغير وجهه لبعض الوقت .. ثم سقط نموذج النهضة و بدأت آثاره فى التآكل و حاليا يتغير حتى ذلك الوجه السطحى و يتشوه .. أما عمق المجتمع فلم يحدث أن وصله تنوير النهضة مطلقا و إنما يتأثر تحول التعبير عن الطائفية القائمة فيه إلى مظاهر العنف بمؤثرات الفقر و الضغوط الإجتماعية تماما كما كان الحال فى العصور الوسطى حيث إرتبطت فورات العنف الطائفى دائما بأزمنة التدهور الإقتصادى و المجاعات و الأوبئة..

إحنا محتاجين لمشروع تنويرى من أول و جديد و لازم نبقى عارفين إنه محتاج وقت طويل و إن مهمته أصعب من مهمة المشروع الأول اللى إبتدى فى القرن قبل الماضى و مات بالفعل.. بس عشان يبقى فيه فرصة للمشروع ده إنه يبتدى يبقى الأول لازم نخلص من اللى كابسين على نفسها و نفسنا لأنى شخصيا مؤمن إن مفيش حاجة تنفع تتعمل فى البلد دى إلا لما نصلحها من فوق لتحت..